Dîskî probleme awa şimitişî ya Çinarî çareser keno

Midurîya Pêroyî ya Îdareyê Awe û Kanalîzasyonî( DÎSKÎ) ya Şaredarîya Bajarê Girdî ya Dîyarbekirî semedo ke probleme awa şimitişî ya bajarî çareser bikero ehr hetê bajarî de xebatanê xo domneno.

Ekîbê Midurîya Pêroyî ya Îdareyê Awe û Kanalîzasyonî( DÎSKÎ) ya Şareadrî na rey zî semedê helekrdişê probleme awa şimitişî ya qezaya Çinarî dest pê xebatan kerd.Dîskî semedê awa şimitişî ya Çinarî serra 2017 de dest pê xebatanê binawanîye kerdbi û xebatan hema hema qedîya.Dîskî pê şirikîya Îlbankî qezaya Çinarî de 63 kîlomter kanalizasyon, 54 kÎlometre awa şimitişî 23 kîlometre xetê îsaleyê awa şimitişî û şebekeye awa şilîye viraşt.

Midurê Pêroyî ya Îdareyê Awe û Kanalîzasyonî ya Şaredarî M. Fırat Tutşi û Midurê Mintiqa Îlbankî Suleyman Halıt Bayrak şîyî xebatan wekenit û derheqê xebatan di agahî girewtê.

Dîskî Çinar de Tesîsê Sefênayişê Awa Eşte awan keno

Dîskî qepsema xebatan di qezaya Çinarî rê Tesîsê Sefênayişê Awa Eşte awan bikero.Etaba yewîn de heta serra 2037, etaba dîyîn de zî heta serra 2052 awa eşte ya Çinarî bêrê sefênayiş.

Tutşî:Ma binawanîyê bajarî xêz kerd

Midurê Pêroyî ya Îdareyê Awe û Kanalîzasyonî ya Şaredarî M. Fırat Tutşi:”Ma qezaya Çinarî de pê şirikîya Îlbankî xebatanê kanalizasyon, awa şilîye û awa şimitişî virazenê.Ma heme berpirsîyarîyê xo anê ca. Ma waştîşanê hemwelatîyan ser o xebatanê xo kenê û her hetê bajarî de xebatanê ma dewom bikero” vat.

Serrnameyî de bigêre

« Gulane 2022 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31