Problemê binawanîye Neweşxaneyê Cigêrayîşî çareser beno

Şaredarîya Bajarê Girdî ya Dîyarbekirî pê xebatanê xo problemê binawanîye Neweşxaneyê Perwerde û Cigêrayişî ya Gazî Yaşargîlî çareser keno.

Midurîya Îdareyê Awe û Kanalîzasyonî (DÎSKÎ) ya Şaredarîya Bajarê Girdî ya Dîyarbekirî semedo ke problemê binawanîye bajarî çareser bikero şewe û roje xebetiyenî.Dîskî na rey zî semedo ke problemê binawanîye ya Neweşxaneyê Perwerde û Cigêrayişî ya Gazî Yaşargîlî çareser bikero dest pê xebatan kerd.

Bijîşkê Sereke Neweşxaneyê Perwerde û Cigêrayişî ya Gazî Yaşargîlî Muhammed Asena semedo ke derheqê xebatan di pêvînayiş bikerê  Midurê Pêroyî ya DÎSKÎ M. Firat Tutşiyî meqema ey di zîyaret kerd.

Ekîbanê DÎSKÎ talîmatê  Midurê Pêroyî ya DÎSKÎ M. Firat Tutşiyî ser o dest Pê xebatan kerd. Tutşi xebatanê DÎSKÎ ca de sehna û derheqê xebatan dia gahî girewt.

Midurê Pêroyî ya DÎSKÎ M. Firat Tutşi aşkera kerd ke semedo ke problemê binawanîye bajarî çareser bibo şewe û roje bê mabên xebetiyenî. Bijîşkê Sereke Neweşxaneyê Perwerde û Cigêrayişî ya Gazî Yaşargîlî Muhammed Asena zî xebatanê DÎSKÎ ver Tutşi û xebatkaranê DÎSKÎ rê spas kerd.