Karaloğlu daşinasnayişê Suke Penîrvanan de qalî kerd

 Walîyê Dîyarbekirî Munir Karaloglu, kombîyayişê daşinasnayişê Suke Penîrvanan de qalî kerd û aşkera kerd ke suke penîrvanan bêro modern kerdiş.

Walîyê Dîyarbekirî Munir Karaloglu, esnafê Suke Penîrvanan reyde ameyî têhet û goş na problem û waştîşanê înan ser o.Kombîyayişê Daşinasnayişê Suke Penîrvanan rê Walîyê Dîyarbekirî Munir Karaloglu, Serekê DESOBî Alşcan Ebedinoglu, Qeymeqamê Sûrî Abdullah Çiftçi, Midurê Vakiflar ya Mintiqas Metin Evsen, Serekê Odeya Penîrvanan beşdar bîyî.

Ma semedê marka bîyayişê bajarî xo xebetiyenî

Walî Karaloğlu aşkera kerd ke şaredarî û walîtî pê seferberî semedê marka bîyayişê bajarî ma xebetiyenî û badê Walî qalîkerdişê xo wina donma: “Gereka ma problemanê şarê xo bi hewayêko raşt tespît bike û dest pê xebatan bikerê. Ma wazeme ke piştgirî bideme marka bîyayişê bajarî xo.O semed ewro KombÎyayişê Daşinasnayişê Suke Penîrvanan de ma wazeme ke esnafanê ma zî pêşnîyaze xo bikerê. Ma wazeme ke bire ke hempar ewro bigîrîme û heme esnafanê ma keyfweş bibo.”

Sewbînan Walî Karaloglu vîr vîst ke Borsa Hanî de zî xebata krestorasyonê dest pê kerdo. Heta ewro ma nêeşkenîme ke restorasyone tîya bikerê labele hewteyê pêyen pê xebata Parlementerê ma Mehdi Eker, Ebubekir Bal, Oya Eronat Wezîrê Bajarvanî Murat Kurum reyde pêvînayiş viraşt û xebatan ser o pereyê restorasyonê erşawit ma zî dest pê xebatan kerd.