Gedeyan dest pê kursê satrançî kerd

Serekîya Dayîreyê Xizmetanê Sosyal ya Şaredarîya Bajarê Girdî ya Dîyarbekirî semedo ke wendekaranê ke emre Înan mabênê 5-7 serrî yo û kreşanê şaredarî de perwerde vînenê hadreyê musabaqayê satrançî ya mîyanneteweyî bikerê kursê satrançî akerd.

Şaredarîya Bajarê Girdî ya Dîyarbekirî pê cîya-cîya kursan piştgirî danê gedeyan. Midurîya Gedeyan ya Serekîya Dayîreyê Xizmetanê Sosyal semedo ke gedeyanê kreşanê şaredarî de perwerde vînenê hadreyê musabaqayê satrançî ya mîyanneteweyî bikerê kursê satrançî akerd û ewro perwerdeyê satrançî dest pêkerd.

Gedeyan pê heme teferuatê satrançî bimuse û gedeyanê ke kursê xo bi serkewte qedîna, hetê Wezaretê Ciwan û Sporî lîsansê ke musabaqayê mîyanneteweyî de zî testîqkerdî ya dîyena înan.