Şaredarîya Bajarê Girdî ya Dîyarbekirî Îçkale yo ke Lîsteya Mîrasanê Dinya yê UNESCO de ca gênê, bipawo xebata restorasyonî da dest pêkerdiş.Şareadrî 2020ê Tebaxe ra nata Îçkale yo ke 2 hezar û 300 serrî yo ke linganê xo ser o restore bikero etabo yewin qedînay û dest pê xebatanê etabo dîyin kerd.

Şaredarîya Bajarê Girdî ya Dîyarbekirî semedo ke Îçkale yo ke Lîsteya Mîrasanê Dinya yê UNESCO de ca gênê, bipawo xebatanê xo bê mabên domneno.Walîyê Dîyarbekirî Munir Karaloglu xebata restorasyonê  6 bircê Îçkale de 2020ê Tebaxe de dabi dest pêkerdiş û nika semedo etabo dîyin talimat daye.

11 bircê Îçkale bêro restorekerdiş

Serekê Dayîreyê Îmar û Bajarvanîye ya Şaredarîya Bajarê Girdî ya Dîyarbekirî Mehmet Karaaslan derheqê xebata restorasyonê dîyin ê bircan de agahî daye. Karaaslanî “Ma talîmatê Walî Munir Karalogluyî ser o şewe û roje bê mabên xebetiyenî. Ma restorasyonê 6 bircê da dest pêkerdiş û xebat bê problem dewom keno. Sewbînan ma do bê ina xebatan dorûverî Amîda Hoyuk de 2 kaleyê teber û 11 kaleyê zerrî de zî xebata restorasyonê bideme dest pêkerdiş.Xebatan nêzdîyê 500 rojî de bêro temomkerdiş” vat û pêynîya qalîkerdişa xo de Wezîrê Dorûverî û bajarvanîye Murat Kurum û Walîyê Dîyarbekirî Munir Karalogluyî rê spas kerde.