Walî Munır Karaloglu:” Semedê ma cîyayîyê xebatkaranê bikadro û binan çina.Ma ewro karkeranê ke tewr kêm maaş gêno rê se ra 47 yê binan rê se ra 15.6 zam kerd. Helal bo û heme xebatkaran rê xeyrin bo.”

Walîyê Dîyarbekirî Munır Karaloglu, muqaweleyê güreye pêser ya xebatkaranê ke binateyê Personel A.Ş de xebetiyenî, îmza kerd. Merkeze Kultur û Kongre ya Sezaı Karakoç ya Şaredarî de semede , muqaweleyê güreye pêser merasim virazîya. Merasîm de mabenê Walîyê Dîyarbekirî Munır Karaloglu û Serekê Pêroyî ya Sendîkayê Genel-Îşî Remzî Çalişkanî reyde muqawele virazîya.

“Semedê ma cîyayîyê xebatkaranê bikadro û binan çina”

Karaloglu aşkera kerd ke binateyê şareadrî de xebetiyayiş xebatêka girîng o û bade wîna dewom kerd: “, Ma nêeşkeni heqê bırayonê xu yê karkeron bidî la m agora îmkananê şaredarî karkeranê ke tewr kêm maaş gêno rê se ra 47 yê binan rê se ra 15.6 zam kerd. Ma heqanê şexsîyon yê karkeranê xo zî pawit. Ma zaf keyweşî ke ma pê zerrîweşî muqaweleyê xebatkaran viraşt.”

Sekreterê Pêroyî yê Genel Îşî Çalışkan zî aşkera kerd ke feraseto şirîk xizmetkerdişê bajarî ma yo û bade Çalışkanî qalîkerdişa xo wîna domna  ”Ez ewilî Walîyê ma Munır Karalogluyî rê dima heme kedkaranê ina xebate rê spas kena. Eke ma dest ra omewo ma wezîyetê înan bınêna kerdo hol. Ma wazeme ke ina muqawele heme xebatkar, keyeyanê înan û bajarî ma r3e xeyrin bo.”

Merasim pê ontîşê fotrafî qedîya.Merasîm rê Walî Karaloglu, Wekîlê Sekreterê Pêroyî ya Şaredarî Ayhan Kardan, Hetkarê Sekreterê Şaredarî Vedat Gungor, Midurê Pêroyî ya DÎSKÎ M. Fırat Tutşı, Serekê Dayîreyê Çimanê Merdiman û Perwerdeyî  û Serekê Rêveberîya Personel  A.Ş. Ali Yucel, Serekê Pêroyî ya Sendîkayê Genel Îşî Remzı Çalışkan, temsîlkaranê Sendîkayê YERELSENî Ibrahım Halıl Çelık, serekê dayîreyanê şaredarî û xebatkaran beşdar bîyî.