Hewteyê extîyaran ame pîrozkerdiş

Her serra 18-24ê Adare semedê kesê ke emrê înan 65 serrî ra zêde yo sey roja Hewteyê extîyaran yeno pîrozkerdiş.

 Şaredarîya Bajarê Girdî yê Dıyarbekırî bi wesîleya Hewteyê Extîyaran a kê mabenê 18-24ê Adare de yeno pîrozkerdiş û Serekîya Dayîreyê Xizmetanê Sosyal ya Şaredarî emser zî extîyarê xo vîr nêkerd. Ekîbê Serekîya Dayîreyê Xizmetanê Sosyal ya Şaredarî wesîleya Hewteyê Extîyaran, extîyaranê ke emre înan 65 serrî ra zêde yo, yew bi yew ziyaret kerde.

 Bi wesîleya hewteyê  Serekê Dayîreyê Xizmetanê Sosyal ya Şaredarî Hayrullah Akyıldız zîyaretê extîyaran de aşkera kerd ke şaredarî heme xebatanê xo de extîyaranê xo fikirîyeno.

Akyıldız ziyaret de kolîyê xidayan vila kerd.

 Sewbînan Beşa Extîyaran ya Serekîya Dayîreyê Xizmetanê Sosyal ya  Şaredarîya Girdî extîyaran  rê xizmetanê keye de ewnîyayiş,piştgirîya psîkolojîk û ekonomîkî zı domneno.