Walî Karaloglu bingehê tesîsê EKAYî eşt

Şaredarîya bajarê Girdî ya dîyarbekirî semedo ke hem weşîya şarî bipawo hem zî dormeleyêko pak awan bikero xebatanê xo domneno.

Heta nika çopanê bajarî depoyê çopî yê ke rayîrê 37 kîlometreyin yo ke mintiqaya Qerejdaxî de ca gênê de bi hewayêko wehşî ameybi îmxakerdiş. Şaredarîya girdi semedo ke pêynî bide na rayîrê wehşî projeya Tesîsê Îdareyê Entegreyê Eşteyê Huşk ( EKAY) hadre kerdbi û pê rayberîyê Walîyê dîyarbekirî Munır Karalogluyî bingehê tesise ame eştiş.

Walî Karaloglu merasîmê eştişê bingehê tesise de derheqê giringîya tesise ser o agahî daye û wina vat: “Ma ewro semede çîyêko zaf giring tîya de yî. Heta ewro çopanê bajarî ma bi hewayêko wehşî ameybi îmxakerdiş. Ma zaneyme ke bajarî ma na muameleye heq nêkeno. O semed ma reyde dest pê xebatan kerd û ewro ma semede eştişê bingehê tesise EKAYî ameyme têhet. Înşalla aşma Gulane de ma do dest pê resnayişê elektîrîkî bikeme û mabeyne 15 aşman de zî hemeyê tesise ma bêro temomkerdiş. Semedo ke hem cuya şarî zerar nêvîno hem zî ma dormeleyê bipawê na agerayîşêko pîl o. Nê bajarî rê xizmetkerdiş, semede ma çîyêko zaf mukades a. Ez wazema ke ina tesis heme hemwelatîjanê ma rê xeyrin bo.”