Çalakîyê aşma Remezanî aşkera bi

Şaredarîya Bajarê Girdî ya Dîyarbekirî do semedo ke hemwelatîyan prosesê pandemî de aşma Remezanî hînî weş bivîyarnê cîya-cîya çalakîyan bivirazê.

Serekîya Dayîreyê Karanê Sosyal û Kulturî ya Şaredarîya Bajarê Girdî ya Dîyarbekirî her mende pê cîya-cîya alakîyan yeno hemwelatîyan ver. Na rey Serekîya Dayîreyê Karanê Sosyal û Kulturî ya Şaredarî semedo ke hemwelatîyan prosese pandemî de aşma remezanî hînî weş bivîyarnê çalakîyanê online serrast keno. Çalakîyanê aşma Remezanî yo taybet pê slogana “Ma Nîyet Kerd Remezanî” pê malperê şaredarîya girdi ser o beno mêmanê hemwelatîyan.

Çalakîye “Embazê Pêxemberê Ma” her roje saetê 12:00 de bêro hemwelatîyan ver. Sewbîann hetêk ra zî sey Dersanê Huzurî Îslamîyetî ser o agahî bêro dayene.

Şewa Qedirî û Hewteyê Mewlîd-î Nebî çalakîyê taybet

Serekîya Dayîreyê Karanê Sosyal û Kulturî ya Şaredarîya Bajarê Girdî ya Dîyarbekirî semedê Şewa Qedirî û Hewteyê Mewlîd-î Nebî çalakîyê taybet serrast bikero. Sewbînan gedeyanê ke emrê înan mabenê 6-10 serrî de yê û sifte roje gêna pê çalakîya Tekneyê Roje de bêrê mêmankerdiş.

Sewbînan qepsema çalakîyê aşma Remezanî de sergîyê fotrafan bêrê viraştiş.Hemwelatîyan www.diyarbakirsergi.com ina malper ser o mabenê 13-26ê Nîsane de sergiye fotrafî ya Yeqînîyê Îslamî , mabenê 27ê Nîsane- 12ê Gulane de zî sergîyê Nuqte ziyaret bikerê. Pêroyî de qepsema çalakîyê aşma Remezanî de 17 konser bêrê viraştene û tîyatroyê “ Sifreyê Zîyaretî ” û “ Tewr Gird Xeber”  bêrê kaykerdene.

Qepsema tedbîranê Vîrusê Korona bê çalakîye Tekneyê Roje heme çalakîyê bîn kenalê YouTube û sîteyê medyaya sosyal ya şaredarî (ınstagram, twitter û facebook) ser o bêrê weşanîyayene.