Şaredarîya Bajarê Girdî ya Dîyarbekirî semedo ke weşîya şarî bipawo û hemwelatîyan qedexeyê tebervejîyayişî mîyanê weşî û asayîşî de bivîyarnê vere qedexeyê tebervejîyayişî teftîşê xo kerdî zêde.

Qabîneyê Serekkomarîye bire girewtbî ke 17 rojê qedexeyê tebervejîyayişî bêro viraştiş û Serekîya Dayîreyê Karanê Weşî ya Şareadrîya Bajarê Girdî ya Dîyarbekirî semedo ke weşîya şarî bipawo îmalatxane û cayê ke zexîre roşenê û depoyanê xo de ca danê zexîreyan de leze da teftîşan.

Ekîbê kontrolkerdişê xidayî qezayanê Peyas, Yenîşehrî, Sûr û Baxlarî de aşxaneyê ke qedexeyê tebervejîyayişî de zî xebatanê xo bidomnê, teftiş kerde.

Ekîban deme xebitnayişê werdişî zî yew bi yew wekenit.

Şîranîroşan zî ame teftîşkerdiş

Serekîya Dayîreyê Karanê Weşî ya Şareadrîya Bajarê Girdî ya Dîyarbekirî şîranîroşê ke aşma Remezanî de hetê hemwelatîyan raşte eleqeyêko pîl yeno, teftîşê pakî viraşt.

Ekîbê Şaredarîya Dîyarbekirî lavabo, banyo, WC û kincê personelan û şîranîroşan şeker şuxulnenê yan zî şrubê glîkozî şuxulnenê kontrol kenê  û  gargehê ke goreyê qaydeyan hereket nêkenê îqaz kenê.

Şaredarîya Dîyarbekirî semedê weşîya şarî xebatanê xo domnena û eke kargehî mevzuat nîyarê ca, înan rê ceza birnena. Ekîbê şaredarî îxbarê hemwelatîyan ser o zî xebatanê xo bidomno.