Walîyê Dîyarbekirî Munır Karaloglu, kombîyayişê xebatanê Midurîya Awe û Îdareyê Kanalîzasyonî ya Şaredarî (DÎSKÎ) de agahî dayê.
Kombîyayişê DÎSKÎ, Merkezê Kultur û Kongre ya Alî Emîrî de virazîya û Walîyê Dîyarbekirî Munır Karaloglu derheqê xebatanê merkezê bajarî û qezayan ya DÎSKÎ aşkerayîyêk da. Karaloglu vîr vîst ke semedo ke 365 roje 24 saet bê mabên awe bide Dîyarbekirî ekîbê şaredarî bê mabên xebetiyenî.
Karaloglu da zanayane ke endî Dîyarbekir de problemê awe nêmano û kîfş kerd kep ê hewayêko samîmî şewe û roje semedê bajarî ma şarî ma xebetiyenî.
Walî Karloglu ma semedo ke hemwelatê ma yê Pasûrij 15-20 serrî yo ke awa lêl şimenê, problemê înan çareser bikeme, tesîsê sefênayişê awe awan kerd û hemwelatê ma 3 aşmî pêyeno ke awa zelal şimenê.
Awe çîyêko zaf girîngo
Karalogluyî aşkera kerd ke qezaya Pîranî 30-40 serrîyo ke hewteyî de rojêk awe gêno û ekîbê şaredarî pê xebatanê xo tîya de zî problemê awe çareser kerd. Karalogluyî badê qalîkerdişê xo wina domna: “Ma zaneme ke awe çîyêko zaf girîngo. O semed ma semedo ke hem merkezê bajarî de hem zî dew û taxanê xo de 365 roje 24 saet bê mabên awa biqalîteyin bideme şarî, çi dest m ara yen oma texsîr nêkenê.”
“Awa şimitişî, kanalîzasyon û tesîsê sefênayişî de xebatanê girîng bêro viraştiş”
Karalogluyî vîr vîst ke hetê awa şimitişî, kanalîzasyonî û tesîsê sefênayişê awe de sermayegozarîyê DÎSKÎ zafê. Badê Karalogluyî wina vat: “ Ma do xebatanê sefênayişê awe de sermayegozarîyê zaf girîng bikeme. Kesanê ke weşîya şarî û dormeleyî fek ra nekewtê teyna merkezê bajarî de û Gêl de tesîsê awe awan kerd. Bînan zî verdayê şî. La ma xebatanê tesîsê sefênayişê awe de gamê girîng eşt. Qezaya Bismîlî de xebatanê ma dewom keno û semedê awankerdişê qezayanê Hênî, Licê, Pîran, Çermûg û bînan zî projeyê ma estê. Prosesê verê ma semedê awe , kanalîzasyon û sefênayişê awe demêko girîngo. Ma semedê bajarêko hînî weş lebate keme û maz zaneme ke eke wina bo cuyêk keyfweş ma pawenê.
Karaloglu, xebate û lebateyê înan ver ekîbê DÎSKÎ rê spas kerd û serkewtîşê înan waşt.
Kombîyayiş rê Walîyê Dîyarbekirî Munır Karaloglu, Midurê Pêroyî ya DÎSKÎ M. Fırat Tutşı û hetkarê ci Selçuk Gorduk, serekê dayîreyan û miduran beşdar bîyî.