Şaredarî heywanan roşanê de zî vîr nêkerd

Şaredarîya Bajarê Girdî yê Dîyarbekirî qepsema vergirewtîşê Vîrusê Korona (Covid-19) de şewe û roje bê mîyan xebatanê xo domneno la şaredarî mîyanê xebatan di heywanan zî vîr nêkeno.

Qabîneyê Serekkomarîye bire girewtbî ke 17 rojanê qedexeyê tebervejîyayişî bêro viraştiş û o ser o Şaredarîya Bajarê Girdî ya Dîyarbekirî destpêkê qedexeyî ra heta pêynîya ci her hetê bajarî de xebatanê xo bidomno. Ekîbê Serekîya Dayîreyê Weşî ya Şaredarî pê feraseto “Her gandar pawtê ma yo “ nuqteyê aşkera de qezayê Peyas, Sûr, Baxlar û Yenîşehrî de heywanan rê mama vila keno.

Ekîbê şaredarî verê roşanê 140 nuqte de 420 kılogram mamayê pîsîng û kutîkan vila kerd. Ekîban roja yewina roşanê de zî 210 nuqte de 630 kılogram mamayê heywanan vila kerd.

Ekîbanê Serekîya Dayîreyê Karanê Weşî ya Şaredarî heta pêynîya qedexeyê tebervejîyayişî 17ê Gulane 4 qezayî de her roj semedê heywanan mama vila bikero.