DÎSKÎ arizayê ke peyda beno ca de safî keno

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) semedo ke hemwelatîyan mexdûr nêbên arizayanê ke peyda beno ca de çareser keno.

Ekîbê Dîskî tespit kerd ke borîyê ke awa şimitişî kirişîyeno qezaya Sûrî taxa Kitilbıl de arizayêk peyda bîyo û semedo ke hemwelatîyan mexdûr nêbên hema mudaxale kerd. Ekîbê DÎSKÎ ca de xebata ciewnîyayiş û temîrî da dest pêkerdiş.

Ekîban ewilî xebata kinitişî viraşt û bade awa ke xeta awa şimitişî de mendbi tol kerd. Ekîban pê xebatêko 9 saetî arizayê awe safî kerd, aye ra awa taxî nêame birnayiş. Midurê Pêroyî ya DÎSKÎ Fırat Tutşı û Hetkarê Midurê DÎSKÎ Selçuk Gorduk xebatan sehna.

Tutşî kedkaran rê spas kerd û wina vat: “Verba ke ekîbê ma ariza ca de ferq kerd û mudaxale kerd aye ra problemêk peyda nêbo û hemwelatê ma girewtişê awe domna. Nika ina mintiqa de awe sey rojanê binan yeno dayiş. Problemêk çina û ma hemwelatê xo ra zî spas kena.”