Ma do zergûnê Fîskayayî zergûnê Hewselî ra bîyarê têhet

Şaredarîya Bajarê Girdî ya Dîyarbekirî taxa Dîcle û Ferîtkoşk de netîceyê  Projeya Peyseragerayişê Bajarvanî de kilitê hemwelatîyan pê emrasîm  pawtê înan kerd.

Qezaya Yenîşehrî Taxê Dîcle û Ferîtkoşkî de tayê cayan sey cayanê riskin ameybi îlankerdiş aye ser o Şaredarîya Girdî çarçiwa xebata peyseragêrayişê bajarvanî de etaba yewin ya Fîskaya de xebatanê xo qedînay û kilitê hemwelatîyan pawtê înan kerd.

Merasîm Salona komBîyayişê ALî Emîrî de virazîya û Walî Karaloglu qalîkerdişê xo de da zanayene ke Wezaretê Dorûverî û Bajarvanî merkez û taxanê bajarî ma de peyseragêrayişê bajarvanî daye dest pêkerdiş.

Karalogluyî vîr vîst ke serra 2017 de Wezaretê Dorûverî û Bajarvanîye taxê Fîskaya,Dîcle û Ferîtkoşkî sey cayanê riskin îlankerdbi û xebata wayîrê heqî û gayrîmenkulî hetê wezaretê yêno viraştiş.

Karalogluyî wina vat : Demê pêyenan de welatê ma de afatan ameyê meydan û naye ra barê Wezaretê Dorûverî û Bajarvanîye zî zêde bî û aye ra wezaret selahîyetdarî dewrê Şaredarîya Girdî kerd.Nika ra tepîya xebatan hetê Şareadrîya Girdî bêro viraştiş. Xebat û pêkerdişê peyseragêrayişê bajarvanî Şaredarîya Girdî keno. Ma çarçiwa peyseragerayişê bajarvanî ya taxa Dîcle rê 15ê Temmuze de dest pê pêvînayişan kerd û netîceyê xebatan ma peyman îmza kerd û ma do kilitê hemwelatîyan pawtê înan bikerê , yanê ma ewro na roja keyfweş şima ra pare kenî.”

 

Karalogluyî bal ont giringîya rojane û da zaneyene ke ewro hem semedê Dîyarbekirî hem zî semedê xebatanê peyseragêrayişê bajarvanî rojêko girîng o û bade wina vat : “Dîyarbekir Bagdat ra hetanî Estanbolî ina coğrafya de bajarê en medenî û çağdaş bî labelê seserreya pêyen de hemwelatîyan kriz vîyart û naye ra tayê çîyê nêweş vejîya werte.”

 Karalogluyî da zanayene ke hem kultur hem zî hetê komelkî de semedo ke Dîyarbekir eslê xo peyser qezenç bikero xebetiyenî.

 

Ma do zergûnê Fîskayayî zergûnê Hewselî ra bîyarê têhet

Karalogluyî mijdan da ke pêynîya xebata etabo yewin de cayêko biveje werte sey cayê zergûnî bêro xebetnayiş.

Karalogluyî bade qalîkerdişê xo wina domna : Etabê 2-3-4 teyna cayê zergûnî û etaba 5in de zî binateyan bêrê viraştiş. Ma raşt û çepê rayê Fîskayayî ya etabo yewin de wayîrê heqî reyde bêrê têhet û pêamayişan ra dima dest pê xebata rişnayişî bikerî. Uca de cayanê komelkî û zergûnî bêro viraştiş. Demêko şima Çirra Fîskaya ra nîyadê acer HewseLî bivînê. Yanê ma do zergûnê Fîskayayî zergûnê Hewselî ra bîyarê têhet.”

Karalogluyî da zanayene ke cîya-cîya cayê bajarî de îxtîyacîyê peyseragêrayişê bajarvanîye estê û qezaya baxlarî taxa Kaynartepe hetê Wezaretê Dorûverî û Bajarvanîye sey cayê riskin ameyo îlankerdiş û hemwelatîyan reyde xebata pêamayiş û gayrîmenkulî ameyo viraştiş.

Karalogluyî aşkera kerd ke pêamayişê 78 wayîrê heqî yê taxa Kaynartepeyî  ra dima  xebatan leza lez dest pê bikero.

“Planê Peyseragêrayişê Peyasî qedîya”

Karaloglu derheqê xebatanê peyseragêrayişê baravanî ya taxa kaynartepeyî de wina vat : “Kuçeyê taxa Kaynaretepe zaf teng bî û aye ra zî wesayîtê îtfaîya û ambulansî neeşkebî dekewe kuçeyî. Ma do inşallah binyatê zaf modern bivejê werte. Planê Peyseragêrayişê Peyasî qedîya.  Înşallah demêko nêzdî de xebatanê ma uca de dest pê bikero. Taxa Şilbê de xebata gayrimenkul û pêamayişê Wezaretê Dorûverî û bajarvanîye dewom kneo.

Karalogluyî ard ziwanê xo ser ke weşkerdişê bajarî de teyna xebatanê peyseragêrayişî ney restorekerdişê Sûrê dîyarbekirî zî bê mabên dewom keno.

 Karalogluyî da zanayene ke birce 1,2,5,7 û 8ine ya Meydana Şêx Seîdî de xebata restorekerdişî dest pê kerdo.

Sewbînan Karalogluyî vîr vîst ke birce 1 û 2ine de muze û mektebe xetî ya Xetat Hemît Aytaçî bêro viraştiş.

Ma do sûran restore bikerê û biresnê ajê bînan

Serekkomar gêyrayişê pêyen de talimat da Wezarete Dorûverî û Bajarvanîye ke xebata restorekerdişê sûran ca de bêro temomkerdiş. Ma do semedê restorekerdişê sûranê binan zî Wezarete Dorûverî û Bajarvanîye reyde pêvîyaişêk bivirazê. Ma do  hemeyê sûran restore bikerê û biresnê ajê binan.”

Ma xo kenî herindê hemwelatîyan û dima pêvînayiş kenî

Karalogluyî qalîkerdişê xo pê nê îfadeyan qedînay: “Xebata peyseragêrayişî goreyê îxtîyacîyê mintiqayan dewom bikero. Peyseragêrayişîyê bajarvanî de bawerîye hemwelatîyan zaf girîng o. Ma mexdûrbîyayişê hemwelatîyan rê razî nîyê. Ma pêvînayişê peyseragêrayişî de xo kenî herindê hemwelatîyan.  Dîyarbekirîjan banê ke hîna çagdaş û  her afetî de înan rê tabut mebo heq kenî.Mucadeleyê ma semedê ci yo. “

Merasîm de Parlementerê Dîyarbekirî M.Mehdı Eker û Serekê Dayîreyê Îmar û Bajarvanîye Şaredarîya Girdî Mehmet Karaaslanî zî qalîkerdişêk viraştê.

Merasîm rê Parlementerê Dîyarbekirî M.Mehdı Eker, oya Eronat û Ebubekır Bal, Serekê Ak Partîyê ya Bajarî M.Şerıf Aydin,Qeymeqamê Yenîşehrî Murat Beşıkçı, Sekreterê şareadrîya Girdî Ayhan Kardan, serekê dayîreyê şaredarî, midurê dezge û lijneyan 

Serrnameyî de bigêre

« Kanûne 2021 »
Diş Sêş Çrş Pan Yen Şem Yşm
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31