Projeyê Bismilî se ra 95 hadre yo

 Şaredarîya Bajarê Girdî ya Dîyarbekirî qezaya Bismilî de xebata awankerdişê Tesîsê Sefênayiş û Kolekterê Awa Eşte se ra 95 qedînay.

Midurîyê Pêroyî ya Awe û Îdareyê Kanalîzasyonî ya Şaredarîya Girdî (DÎSKÎ), wa semedo ke verê leyminbîyayişê Çemê Dîcle bigîro qezaya Bismîlî de xebata awankerdişê Tesîsê Sefênayiş û Kolekterê Awa Eşte da dest pêkerdiş û xebatan se ra 95 qedîya.

Dîskî seemdê pawitişê xoza cîya-cîya projeyan erzeno faaliyet. Dîskî çarçiwa Wesayîtê Hetkarîye Tewrbîyayişê Yewîya Ewropa (IPA-2) de awankerdişê Tesîsê Sefênayiş û Kolekterê Awa Eşte ya Bismîlî se ra 95 qedînay.

Xebatan hetê ekîbêk pîspor yeno viraştiş û pê qedîyayişê awankerdişê tesise montajê hacete elektronîk dest pê bikero.

“Çeme Dîcle do hîna pak bireso ajê bînan “

Midurê Pêroyî ya Dîskî M. Firat Tutşı bal ont giringîyê projeye awankerdişê tesîsê sefênayişan û badê derheqê xebatan di wina vat : “ Çemê Dîcle seserreyano ke çimê awe ya bajarî ma yo.Wesîleya ina proje Çemê Dîcle do hîna pak bireso ajê binan. Ma do pê qedîyayişê ina proje semedê pawitişê xozayî gamêko muhîm bierzê.

124 mîlyon lira şîno ina proje û tesis do rojanê 12.453 metrekup awe pak bikero.