Şareadrîya Bajarê Girdî ya Dîyarbekirî wa semedo ke piştî bido mintiqa laserî ekîbêk erşawitbi û ekîbê şareadrî xebatanê xo qedînay û ageyrayî bajarî ma.

Mintiqa Deryaya Şîya de laser vejîyaybi û Şaredarîya Bajarê Girdî ya Dîyarbekirî zî semedo ke piştî bido xebatan 20 xebatkar pê 12 wesayîtê karî erşawitbi û ekîbê şaredarî wezîfeyê xo pê serkewte ard ca û ageyrayî.

Ekîbê Şaredarî qezaya Turkelî ya Sînop de pê rayberîyê Walîyê Çorumî Mustafa Çiftçiyî tewrê xebatanê cigêyrayişî, xelaskerdişî û pakkerdişê hefrîyatî bîyî û piştî dîya hemwelatê ke laser de zerar vînaybi.

Serekîya Dayîreyê Ciewnîyayiş û Viraştişê Rayîr û Koordînasyonê Binawanî ya şaredarî pird û rayê ke laser de zerar vînabi de xebata raştkerdişî viraşt û semedê rayê ke endî nê şêno şuxulnayiş zî  rayîrê alternatif akerd.

Ekîbê Midurîyê Pêroyî ya DÎSKÎyî zî taxanê ke binawanîyê înan laser ver zerar vînabi de xebata ewnîyayiş û temîrî viraşt. Qenalê ke xetimîyaybi zî ame akerdiş.

Ekîbê şaredarî mintiqa ke laser de zerar vînabi de xebatanê xo Pê serkewte qedîna û ageyrayî bajarî ma.