Bismil de Baxçeyê Şarî yeno awankerdiş

Şaredarîya Bajarê Girdî ya Dîyarbekirî, qezaya Bismılî de cayêko 85 donim ser o Baxçeyê Şarî awan keno.

Şaredarîya Bajarê Girdî ya Dîyarbekirî, 11ê Elule de mabênê 10 sermayegozarîyê ke ercê aye 65 mîlyon 258 hezar 581 lîra yo de mijdan dabi ke qezaya Bismılî de zî Baxçeyê Şarî bêro awankerdiş.

Serekîya Dayîreyê Park Baxçe û Cayanê Zergûnînan ya Şaredarîya Girdî , semedo ke hemwelatîyan keyeyanê xo reyde wextê xo weş biveynê qezaya Bismılî de xebata zergûnkerdişî domneno.

Hemwelatîyan do wextê xo hîna weş biveynê

Serekîya Dayîreyê Park Baxçe û Cayanê Zergûnînan ya Şaredarîya Girdî qezaya Bismılî de cayêko 85 donim ser o awankerdişê Baxçeyê Şarî de cayêko 45 hezar metrekare sey cayê zergûnî cîya keno û ekîban do  380 dar û 1550 şirqat ronê.

Çarçiwa xebata Baxçeyê Şarî de mescit, teras, sehayê sentetik ya basketbol û fitbolî, rayîrê bisqilêt û rayşîyayişî, masayanê seyranî, bank û kamelyayan, cayê kaykerdişê gedeyan zî bêrê viraştiş.

Ekîbê şaredarî dormeleyê parkî rê 106 dîregê roşnîkerdişî zî ronê.

Ekîbê şaredarî semedê zergûnkerdişê qezayî dest pê xebatan kerdî û ekîban hedef kenî ke mabênê 130 rojî de biqedîyo