Şaredarî Pîran de problemê awa şimitişî safî keno

Şaredarîya Bajarê Girdî ya Dîyarbekirî qezaya Pîranî de semedo ke probleme awa şimitişî safî bikero dest pê xebatan kerd.

Talîmatê Walîyê Dîyarbekirî Munır Karalogluyî ser o Ekîbê Midurîya Pêroyî yê Awe û Îdareyê Kanalîzasyonî ya Şaredarî (DÎSKÎ)  hem merkeze bajarî de hem zî teberê bajarî de lez dayê xebatanê binawanî û kanalîzasyonî.

Qezaya Pîranî de çimeyê awe şuxulnayişê awe ya qeçax û îsrafan ver goreyê îxtîyacîyê qezayî kêm maneno aye ra Dîskî semedo ke  problemê awe hetanî serra 2050 bin ra safî bikero proje hadre kerd.

Çarçiwa proje de Bendawa Kralkizî ra awe bêro kiriştiş û nêzdîyê 25 serrî probleme awa şimitişî bêro wedaritiş.

Ercê proje 3.5 mîlyon TL yo

Na projeyi rê nêzdîyê 3.5 mîlyon lira mesref şîno û qepsema proje de 5 ehzar û 288 metre xeta îsaleyî bêro viraştiş.

Midurê Pêroyî ya DÎSKÎ Fırat Tutşı û Şaredarê Pîranî Felat Aygoren cayêko projeyi bierzo falîyet, sehnayî û xebatan ser o pêvînayiş kerdê.

Midurê Pêroyî ya DÎSKÎ Fırat Tutşı da zanayene ke ekîbê Dîskî pê balkeşî xebetiyenî û badê wina vat : “ Ma do destûrê xo bigîrê  û leza lez dest pê xebata binawanî bikerê. Ma kena ke qezaya pîranî Bê mabên awa hîna weş bigîro.”