Sîstemê Merkezê Binawanîye û Koordînasyonî ame awankerdiş

 Şaredarîya Bajarê Girdî ya Dîyarbekirî semedo ke xebatanê binawanî ya bajarî de verê “Virazê, Weşonê, Virazê” bigîro û mabênê dezgeyan de koordînasyonê awan bikero  beşa “Sîstemê Zanayişê Cografî ya Koordînasyonê Binawanî” awan kerd.  

Şaredarîya Girdî hemwelatîyan ra gerreyê sey “Tîya çend roj ver ameybi kendiş û padîyaybi, nika reyna yeno kendiş” girewtêne aye ra semedo ke problemê binawanî safî bikero û vere îsrafê çimeyan bigîro xebate da dest pêkerdiş.

Talîmatê Walî Munır Karalogluyî ser o Serekîya Dayîreyê Zanakirarî ya Şaredarîya Girdî sîstemêk viraşt û bi wesîleya ina sîstemê heme lijneyan eşkenê xebata binawanî yê bajarî taqîb bikero Beşa “Sîstemê Zanayişê Cografî (CBS)” awan kerd.

Ekîbê şaredarî xebata nermalevî qedînay û semedo ke lijneyê binan daneyi xo bierzê sisteme xebatanê xo domneno.

Planê stratejik ya dezgeyan bêro cikerdiş

Serekê Dayîreyê Zanakirarî ya Şaredarîya Girdî  Erkan Keçeçı, derheqê xebatan di agahî daye û da zanayene ke sîstem de xebata planê stratejik ya dezgeyan, kanalizasyon, awa şimitişî, şebekeye awa şilîye, elektrîk, doğalgaz, û telekomînîkasyonî ca bigîrê.

Karakeçîyî bade wina vat: “Ma sey xerîteya binawanî ya Dîyarbekirî vet werte. Cayanê ke kendiş bêro viraştiş û ruhsat û destûrê kendîşî ra bigîrê derheqê xebate de heme çi ca bigîrê. Ma heme xebata binawanî ya bajarî xo bîyarê pêser û dezgeyan xebatan bivînê û goreyê ci planê xebatan bikerê. Ma pê wesîleya ina sîstem verê “Virazê, Weşonê, Virazê” zî bigîrê.

Destûrê kendişan zî tîya de yeno girewtiş

Karakeçîyî aşkera kerd ke dezge û fîrmayan tîya ra destûrê kendişî bigîrê û destûrê kendîşan hetê  Merkezê Bianwanîye û Koordînasyonî (AYKOME) bêro dayiş.

Verê îsrafî bêro girewtiş

Karakeçîyî qalîkerdişê xo wina qedîna : “ Kirarîyê kendîşan yewca de bêro têhet û aye ra verê îsrafî zî bêro girewtiş. Sîstemê Merkezê Binawanîye û Koordînasyonî do hetanî aşma Citmenge pê heme dane dezgeyan xizmetê şarî de bo.”