Print this page

Bazaro semtî ya sifte yeno viraştiş

Şaredarîya Bajarê Girdî ya Dîyarbekirî wa semedo ke hemwelatîyan hewayî germ û serd de hîna rehet bazarê xo bikerê bazaro semtî ya sifte awan keno.

Walî Munir Karaloglu 11ê Elule de ercê 65 mîlyon 258 hezar û 581 lîrayin bingehê 10 heb projeyi eştbi û mabênê înan de bazaro semtî zî esto.

Serekîya Dayîreyê Karanê Fenî ya Şaredarîya Girdî  semedo ke hem esnafan cayêko hîna weş de berhemê xo roşê hem zî hemwelatijan cayêko hîna pak de bazarê xo bikerê  projeyê bazaro semtî hadre kerd.

68 standê rotişî bêrê viraştiş

Awankerdişê bazaro semtî ya sifte qezaya Baxlarî Bulvarê Qamişlo de dest Pê kerd. Bazaro semtî cayêko 4 hezar û 848 metrekare ser o bêro awankerdiş û têde 68 standê rotişî bêrê viraştiş.

Serekîya Dayîreyê Karanê Fenî ya şaredarî hedef keno ke mabênê 120 rojan de xebatanê bazaro semtî biqedîno.