Citkaran rê destege hewzê awedayişî

 Şaredarîya Bajarê Girdî ya Dîyarbekirî semedo ke piştî bide citkaran 45 taxê bêja de 55 hewzê awedayişî awan keno.

 Şaredarîya Bajarê Girdî ya Dîyarbekirî semedo ke çimeyê probleme zîretî kîfş bikero û probleme înan leza lez safî bikero xebatanê paştîdayişê citkaran domneno.

 Serekîya Dayîreyê Xizmetanê Bêja ya şaredarî semedo ke probleme awedayişê citkar Û dewijan safî bikero awankerdişê 55 hewze awedayişî da dest pêkerdiş.

 Ekîbê şareadrî 45 taxê qezayanê Çêrmûg, Şankuş, Pîran, Hezro,Pasûr û Licê de dest pê xebatan kerd. Ekîbê şaredarî herinda hewze ke hemwelatîyan pê îmkananê xo awankerdbi, hewzê hîna gird awan keno û bi saya ci vere îsrafkerdişê awe zî Bêro girewtiş.

Serekê Dayîreyê Xizmetanê Bêja ya Şaredarî Nıhat Nurbakı  xebata awankerdişê hewze ya qezaya Pasûrî ca de sehna.

Nurbakı goşna waştîş û probleme muxtar û dewijan û da zanayene ke talîmatê Walî munır Karalogluyî ser o semedê destegdayişê citkaran pê seferberi xebetiyenî.

 Homa heme kedweran ra razî bo

 Muxtarê Karabudakî Mehmetcan Çelıkî da zanayenê ke verê cu hewze winasî aşma wisarî de pê îmkananê xo viraştêne. Emser awjenîye hewze û zuwayî ra ver zaf problem estbi. “Ma problemê awedayişî baxçe û heywanan de zaf zahmetî ont. Ma seba awankerdişê hewze muracatê şaredarî kerdbi. Nika hewze ma beton ra yeno viraştiş. Ez ewilî Walîyê ma Munır Karalogluyî rê bade heme selahîyetdarê şaredarî rê spas kena” vat.

 Muxtarê Agaçkururî Erek Yakutî zî wina vat : “Hewze ke ma seba baxçe û heywanan awankerdbi teyna 10 dewijî îstîfade kerdbi. Hewze ke nika yeno awankerdiş ra do 30 dewijî îstîfade bikerî.  Homa heme kedweran ra razî bo.