Nameyê Prof.Dr. Necmettîn Erbakanî dîya bulvarê newe

Şaredarîya Bajarê Girdî ya Dîyarbekirî bulvarê newe yo ke Rayê Rîha û Bulvarê Xarpêtî girêdayeno rê nameyê Prof. Dr. Necmettîn Erbakanî daye.

Şaredarîya Bajarê Girdî ya Dîyarbekirî 9.2 kîlometreyin bulvarê newe yo ke Rayê Rîha û Bulvarê Xarpêtî girêdayeno rê waştîşê hemwelatîyan ser o nameye Prof. Dr. Necmettîn Erbakanî daye.

Beşdarîyê Sekreterê Şareadrîya Girdî Ayhan Kardan, Serekê AK PartîYê Bajarî Mehmet Şerıf Aydın, Serekê Partîyê Saadetî ya Bajarî Abdurrahman Ergın, Serekê Komela Ciwananê Anadolîyî û Weqfa Ciwanê Milî ya Dîyarbekirî Muhammed Kayan, Hetkarê Serekê Partîyê Yeniden Refah ya Dîyarbekirî  Zekı Boçkunî tabelayê bulvarê newe arqilîya.

Sekreterê Şaredarîya Girdi Ayhan Kardan tîya de qalîkerdişê xo de da zanayene ke Walî Munır Karalogluyî talimat dayê ke Dîyarbekir de probleme rayîrî bêra çareserkerdiş û na ser o hetêk ra merkeze bajarî de hetêk ra zî qezayon di xebata rayîrî bê mîyan dewom keno.

Kardanî aşkera kerd ke serra 2021 de pê 500 mîlyon lîrayî sermayegozayîrê rayîrî ameyo viraştiş û çarçiwa ina xebaton di pê bulvarê newe Bulvarê Prof.Dr.Necmettın Erbakanî Rayê Rîha û Bulvarê Xarpêtî ame gir3edayiş.

“Waştîşanê hemwelatîyan ser o nameyê Prof.Dr.Necmettın Erbakanî dîya”

Karadnî îzeh kerd ke Bulvarê Prof.Dr.Necmettın Erbakanî 9.2 kîlometre yo û ina bulvar stadyum û neweşxaneyê bajarî rê zî xizmet bido.

“hewmelatê ma yê ezîz waştê ke nameyê Prof.Dr.Necmettın Erbakanî bajarê ma de bicuwîyo. Ma waştîşê hemwelatîyanser o Walî Munır Karalogluyî talimat dayê ke ina waşte bêra wekenitiş.Meclîsê Şaredarîya Girdî î bire girewt ke nameyê Prof.Dr.Necmettın Erbakanî bulvarê ma yî newe de bicuwo.Ez wazena ke bulvarê enwe şarê Dîyarbekirî rê xeyrin bo. Ez Prof.Dr.Necmettın Erbakanî rê zî Homay ra rehmet wazena.”

“Na xebat seba ma îftîxar o “

Serekê Ak Partîyê Mehmet Şerîf Aydınî zî ewilî Walî Karaloglu û Şaredarîya Girdi rê spas kerd û bade derheqê giringîya rojane de qalîkerdişêk viraşt.

Serekê Partîyê Saadetî ya Dîyarbekirî Abdurrahman Ergın zî da zanayene ke Prof.Dr.Necmettın Erbakanî emre xo semedê xelasîye merdima xerc kerdo aye ra ewro seba ma rojêka zaf îftîxarin o.

Na xizmete resê hemwelatîyan kerd asan

Hetkarê Serekê Partîyê Yenîden Refah ya Dîyarbekirî Zakı Boçkunî dîyar kerd ke pê ina xizmet resê hemwelatîyan hîna asan bî 3u bade wina vat : “Ewro ina bulvare rê nameyeProf.Dr.Necmettın Erbakanî dîya û ez ina xebate zaf qîymetin vînena. Ez heme kedwerê ina xebatî rê spas kena.Homa xeyrin bikero.”

Komela Ciwananê Anadolîyî û Weqfa Ciwanê Milî ya Dîyarbekirî Muhammed Kayanî zî ina xebat ver keyfweşîyê xo ard ziwanê xo ser û xebatanê ey ver Walî Munır Karalogluyî rê spas kerd.