Walîyê Dîyarbekirî Munır Karaloglu waştîşê citkaranê Gêlî ard ca û makînaya vame dîya înan.

Walîyê Dîyarbekirî Munır Karaloglu 13ê Tebaxe de ameybi qezaya Gêlî

û citkaran ziyaret kerdbi. Ziyaret de citkaran Karalogluyî ra semedê şikitişê vame makîna waştbî.

Serekê Dayîreyê Xizmetanê Bêja ya Şaredarîya Bajarê Girdî ya Dîyarbekirî Nıhat Nurbakı, Yewîyê Îstîxsalkeroxê Vame ya Gêlî ziyaret kerd û makînaya vame pawtê înan kerd.

Saete de 200 kîlogram vame şikneno

Serekê Dayîreyê Xizmetanê Bêja ya Şaredarî Nıhat Nurbakı da zanayene ke na makîna saete de goreyê cusê vame nêzdîyê 200 kîlogram vame şikneno û pê mono faz elektrîk xebetîyena.Nurbakî waşt wa makîna hem semedê citkaran hem zî Yewîyê Îstîxsalkeroxê Vame ya Gêlî rê xeyrin bo.

Serekê Yewîyê Îstîxsalkeroxê Vame ya Gêlî Mehmet Nazmı Oda zanayene ke 5 hektar ca ser o 300 îstîxsalkerdoxî rê her serre mabênê 150-200 ton vame yeno îstîxsalkerdiş.

Badê Ocalî qalîkerdişê xo wina domna: “Weş û war be walîyê ma goş na waştîşê ma û ma rê makînaya vame dîyarî kerd.Hetanî nika makînaya vame çinbi û aye ra ma kirarî şikitişê vameyan nêeşkenê ke tîya de bikerê. Ma do pê na makînayê hem personel îstîxdam bikerê hem zî tira îstîfade bikerê û erjeyê vameyan bipawê. Ez cayê heme citkaran Walî Munır Karalogluyî rê, qeymeqomê qezayî rê û heme kedweran rê spas kena. “