Banê Tîje qijan kerd mêman

Wendekarê ke bine banê Şaredarîya Bajarê Girdî ya Dîyarbekirî de wanenê, Banê Tîje de gêrayî.

Qijanê ke kreşanê Şaredarîya Girdî de wanenê Banê Tije yo ke hetê Şaredarîya Bajarê Girdî ya Dîyarbekirî ra Sumerparke de ameyo viraştiş zîyaret kerd.

Zîyaret de qijan derheqê enerjîya xonewekerde û sîstemê enerjîya tîje de zanayîş girewt û Banê Tîje yo ke heme enerjîya Sumerparke bi enerjîya tîje peyda keno, gêrayî.

“Eke gedeyî ma roşnî bo sibaroja ma zî bena roşnî”

Midurê Şubeyê Gedeyan ya Serekîya Dayîreyê Xizmetanê Sosyal ya Şaredarîya Girdî Cebrail Cem Oralî da zanayene ke sibaroja welatê ma girêdayî yê averşîyayişê gedeyê ma yo.oralî îzeh kerd ke semedo ke gedeyî enerjîya xo weş kar bîyaro xebetiyeno û bade wina vat : “Eke gedeyî ma roşnî bo sibaroja ma zî bena roşnî. Ewro gedeyê ma tîya de enerjîya xonewekerde û sîstemê enerjîya tîje pê keyfweşî musayî. “