Karaloglu: “Ganî ma ezbatê xo sey çimê xo bipawê”

Semedê personele Şaredarîya Girdî, perwerdeyê “Mişawîrîye Ezbatî “dîya û kursîyeran pê merasim sertîfîkayê xo girewtê.

Walî Munır Karaloglu : “Eke keye de huzur estbo komel de zî esta,Eke komel hezdar bo dewlete zî milet zî xêzdar o.”

Şirîkîyê Şaredarîya Girdî û Unîversîteya Dîcle semedê personelê Şaredarîya Girdî perwerdeyê “Mişawîrîye Ezbatî “dîya û ewro kursîyeran pê merasim sertîfîkayê xo girewtê.

Merasîmê sertîfîka Merkezê Kulturî ya Alî Emırî de pê tewrê Walî Munır Karaloglu,Rektorê Unîversîteya Dîcle Prof.Dr.Mehmet Karakoç, Sekreterê Şaredarîya Bajarê Girdî ya Dîyarbekirî Ayhan Kardan û serekê dayîreyê şaredarî û midurê şaredarî virazîya.

Walî Karalogluyî da zanayene ke şaredarî semedo ke probleme astengdar,kokim û hemwelatîyan safî bikero her hetê bajarî de xebatanê xo domneno.karalogluyî vîr vîst ke desteğe pere dîyeno wendekarê unîversîteyînan.

Karalogluyî îzeh kerd ke hem îxtîyacîyê ruhî hem zî îxtîyacîyê bedenî peyda bikerê hem hetê perwerdeyî de hem zî ehtê sporî de cîya-cîya xebatan virazîyeno.

Karalogluyî vîr vîst  ke semedê xêzkerdişê ezbatî xebatan virazîyeno û bade qalîkerdişê xo wina domna : Eke keye de huzur estbo komel de zî esta,Eke komel hezdar bo dewlete zî milet zî xêzdar o. Aye ra ma ganî ezbatê xo sey çime xo bipawê.Demê pêyenana de se ke şima zî zanenê lijneyê ezbatî bine hêrîşan de yo. Komele rojawanî newe newe tehlukeyî ferq kerd, labelê uca ra agêrayîş zaf asan nîyo.Komela ma de zî taxrîbat estê label3e qasê komelê rojawanî nîya.Ganî ma semedê xêzkerdişê lijneyê ezbatî agêyrîme yeqînî,erj û kulturê xo.

“Semedê safîkerdişê probleme ezbatan ganî yewê ke rayberîyê bikero bibo “

Karalogluyî îzeh kerd ke kesê ke ina perwerde girewtê ra hêvîyê ma zaf ê.

“Cayê ke merdim estê problem zî estê. Mabenê endamê ezbatan de gegane munaqeşe zî bena û semedê safîkerdişê probleme ezbatan ganî yewê ke rayberîyê bikero bibo.”

Karalogluyî da zanayene ke şaredartîya sosyal mebênê xebatan di cayêko girînd der o bade wina vat : “Şaredartîya sosyal mabênê xizmetanê şaredartîya sosyal de cayêko girîng der o. Beguman unîversîteya ma zî safîkerdişê problemê bajarî zî berpirsîyarîyêko gran gêno doşe xo ser. İna xebat zî sey nimuneyê ci yo. Safîkerdişê problemê ezbatan di nê embazanê ma do zaf desteg bidê. Ez heme beşdaran pîroz kena. “

Qalîkerdişan ra dima sertîfîkayê xebatkaran dîya înan.

Serrnameyî de bigêre

« Çele 2022 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31