Dîyarbekir de “Sezona Kultur û Senetî ya Feqîyê Teyranî” 10ê Teşrine de dest pêkeno

Şaredarîya Girdî Sezona Kultur û Senetî ya serra 2021-2022 seba Feqîyê Teyrano ke mabênê nuştox û edebîyatê kurdî de cayêko girîng der o cîya kerd.

Şaredarîya Girdî Sezona Kultur û Senetî ya serra 2021-2022 pê cîya-cîya çalakîyan 10ê Teşrîne de dano destpêkerdiş.

Serekîya Dayîreyê Kultur û Karanê Sosyal ya Şaredarîya Girdî emserçalakî û aktîvîteyê xo semedê daşinasnayişê kamîya edebîyate Feqîyê Teyran cîya kerd.

Serekîya Dayîreyê Kultur û Karanê Sosyal ya Şaredarîya Girdî do  semedo ke şarê ma berhemê Feqîyê teyran hîna baş bizanê berhemê ey çap bikero.

Dîyarbekirîjan ina sezon pê konser, dengbej, ramojnayişê sinema,tîyatro, festîval gêyrayişê muze û programê yadkerdişî mirda xo keyf bikerê.

Çarçiwa xebatan di sewbîn çalakîyê bîn ( sanikê kurdî, musabaqayê zanayiş û kulturî ) zî bêra viraştiş.

Program pê tewrê pîyanîst Tuluyhan Ugurluyî bêra akerdiş

Çalakîyan emser Galerîyê Senet û Hunerî ya Sumerparqî de 10ê Teşrine de saet : 15:30 di pê ramojnayişê Hattat Mehmethan Akanî  ''Çizgide Ahenk ve Zerafet Hat Sergisi'   dest pê bikero û pê ramojnayişê ''El Emeği Göz Nuru'' berhemê kursîyerê DÎSMEKî dewom bikero.

Program pê pêşkeşvanîye Ayşegul Gunaye dest pêbikero û a şewe kaya “Lotus” bêra kaykerdiş û dengbêjvanan zî pê klamanê xo a şewe bikero rengîn.

Perwerdekarê konservatuarî zî a şewe ramojnayişê rîtmî bivirazê û Suleyman Oduncu û Ilayda Alan do  pê klamanê tewr weş konser bidê.

Şewe pê konsere grubê Aslında Susuyorduk dewom bikero û Pîynaîst Tuluyhan Ugurlu bestayê ke seba çemê Dîcle nuşto raya sifte vajo.

 Feqîyê Teyran kam o?

 Feqîyê Teyran qezaya Miksî de (Baxçesaray) ya ke haya Wanî ser serra 1560 de maya xo ra bîyo û serra 1640 de şîyo rehmet.

 Nameyo rast ê Feqîyê Teyran“Mehemed” (Mîr Mehemed) o . Lajê Şêx Evdila yo û o bi xo keyeyanê ey yew keyeyê eşîran ra yî.

Yeno vatiş ke Feqîyê Teyran semedo ke vengê Zumruduankayî bierşawo kewto ra rayî û şîîranê ke vato resayê hetanî nika. Feqîyê Teyran şaîrê seserra 16. yo.

Feqîyê Teyran ser derwîş ca ca gêrayo û  zefane şîîrê ey medreseyan de û mîyanê feqîyan de ameyê ezberkerdiş.

Feqîyê Teyran berhemê xo pê ziwanê kurmancî nuşto.