Qezaya hênî de akerdişê rayê 63 kîlometreyin û bingehê qonaxa hukmatî erzîya.

Walî Karaloglu : “Ma pê eşq,şewk û îxlas şewe û roje seba na şarê qedîm xebetiyenî” vat.

 Walî Munır Karaloglu qezaya Hênî de akerdişê rayê 63 kîlometreyin viraşt û bingehê qonaxa hukmatî eşt.

Merasîmê akerdişê rayîr û eştişê bingehê qonaxa hukmatî de Walî Munır Karaloglu, Parlementerê Dîyarbekirî mehdı Eker, Qeymeqom û Serekwekîlê Şaredarîya Hênî Ibrahım Laleyî qalîekrdiŞêk viraşt.

Walî Karaloglu, qeseyê merhum Muharrem Ertaşî “ Kesê ke pê eşq bixebite nê betilîyenê” ard virî û wina vat : “Ma pê eşq,şewk û îxlas şewe û roje seba na şarê qedîm xebetiyenî. Ma xêzê xo duayî şima ra gênê.”

Karalogluyî vîr vîst ke, keno ke xizmetê ma biresê her gamê ina bajarî.

Karalogluyî aşkera kerd ke bingehê qonaxa hukmatî errzîyeno û pê qedîyayişê xebatan têde adlîye û şaredarî ca bigîro.

Karalogluyî Îzeh kerd ke pê hedefe 1200 kîlometre civiraştişê rayîrî emser dest pê xebata sezona asfalto germin kerdo û xebatan Bê mabên dewom keno.karaloglu : “Ma Hênî de 63 kîlometreyin rayîrî qedînay û ma kerd xizmetê şarî. Înşallah sezona serra 2022-2023 de rayîrê newe zî bêra akerdiş. Ma 3 taxê xo de zî 83 hezar metrekareyin parke ravist.

Karalogluyî aşkera kerd ke taxa Gurbuz de Merkezê Ciwanan ra 300 gedeyî îstîfade kenî û bade qalîkerdişê xo wina domna: Merkeze Ciwanan ya qezaya Gurbuzî de 4 gedeyî  ma Îmtîhanê Vîyartişê Lîseyî de lîseyê fenî qezenç kerd. Înşallah dema ke yen ama do Banê Zanayişî ya Medreseya Xatûnîye zî abikero xizmetê ciwananê xo.”

Karalogluyî vîr vîst ke qeza de termînal û cayê îtfaîye zî bêra awankerdiş û çarçiwa şaredartîya birarîye de hetê Şaredarîya Semsunî zî demêko Nêzdî de bazarê heywanan bêra awankerdiş.

Karalogluyî da zanayene ke 8 projeyê gird peşkeşe Serekkomar recep tayyîp Erdoganî kerdo û netîceyê ci zî probleman yew bi yew safî benê û inşallah pê desteğe Serekkomar Recep Tayyîp Erdoganî û parlementeran heme problemê bajarî ma bêrê safîkerdiş.

Karalogluyî qalîkerdişê xo wina qedînay: “Ma îdda kenî ke ma eşkenê heme problemê Dîyarbekirî safî bikerê. Beso ke ma no hewayo weş bipawê.Eke ma eşkenê bipawê qelîteyê cuya hemwelatê ma zî aver şêro û cuya înan zî Hîna bena asan.”

Walî Munır Karaloglu merasim ra dima esnafan ziyaret kerd û xebatanê Medreseya Xatûnîye sehna.

Badê Karalogluyî derheqê xebata serrastkerdişê dormeleyî awgerma Aynkarisî de agahî girewt û zengilê dersa sifte ya wendekarê Banê Zanayişî Çinit.