Pîyano û klamî ame yewca

Banê Dengbêjan ya Şaredarîya Bajarê Girdî ya Dîyarbekirî de pê tewrê Pîyanîst Tuluyhan Ugurluyî û Dengbêjvan Seyıthan Koçî demgbêj û piyano ame yewca.

Qezaya surî Banê dengbêjan de çalakîyêke virazîya û Pîyanîst Ugurlu pê piyano û bestayê tewrê çalakîyê bî.

Çalakî de dengbêjvan Koç, klamê cembelî pê pîyanoyê ke Ugurluyî cinit vat û badê bestayê ke seba Walîyê Dîyarbekirî Munır Karalogluyî viraştbi vat.

“Ma zaf qîymet danê dengbêjan”

Walî Karaloglu da zanayene ke pawitişê kultur û erjeyê ina bajarî de ma perpirsîyarîyêko gird hîs kenî.

Karalogluyî : Ma zaf qîmet dane dengbêjan” û bade wina vat : “Ma medyaya komelkî ser o nê konseran pare kenî û belkia demêko nêzdî de dengbêjvanê ma mîyanneteweyî de zî bêra zanayiş.”

Karaloglu bestayê dengbêjvan Koçî ser o spas kerd û bade wina vat : “Meşte ma do sezona serra 2021-2022 ya Serekîya Dayîreyê Karanê Sosyal û Kulturî ya Şaredarî akerî.  Emser sezona kulturû senetî ma yadê Feqîyê teyran kerdî. Meşte merkeze Kultur û Kongreyî de konsere Tuluyhan Beyî esta û maş ima pawenê.”

Ugurluyî zî da zanayene ke tîya de kişta dengbêjvanan de parekerdişê ina roje seba ey zaf keyweş o û bade Ugurluyî wina vat : Înşallah ma pê proje dengbêjvanê xo reyde hemeyê cîhane de konseran bivirazê . Ma eşkenê.Tîya de bîyayiş seba mi şerefêko pîl o.”

 

 

 

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31