Şaredarîya Bajarê Girdî ya Dîyarbekirî qezaya Çinarî de Banê Zanayişî awan keno. Banê Zanayişî ra 110 gedeyî îstîfade bikerê.

Şaredarîya Bajarê Girdî ya Dîyarbekirî semedo ke piştî bide perwerdeyê ciwanan û gedeyî ke qezayon de cuyenê îstîfade bikerê awankerdişê Banê Zanayişan domneno.

Serekîya Dayîreyê Xizmetanê Ciwan û Sporî ya Şaredarîya Girdî semedo ke qezaya Çinarî de piştî bide perwerdeyê gedeyon û semedo ke gedeyî teebrê mektebî de zî wextê xo weş û hîna qalîteyin biveynê 110 wendekar qapasîteyin banê Zanayişî awan keno.

6 dersaneyê biaqil

Banê Zanayişî ya Çinarî de 6 dersxaneyê  biaqil bêra viraştiş û mabênê înan de kitabxane,dersxaneyê vîr û zeka,bîlîşîm,muzîk û resîm,dersxaneyê hünere destan, fıtness û perwerdeyê kuaforî ca bigîrê.

Gedeyî do tîya de kişta dersanê binge; Zanayişê Fenî,Tirkî,Zanayişê Sosyal û Îngîlîzkî , aktîvîteyê sosyal û sportîfî ra zî îstîfade bikerê.

Îhaleyê ci virazîya

Banê Zanayişî ya Çinarî 272 metrekare ca ser o 4 qatin bêra awankerdiş.

Îhaleyê Banê Zanayişî 06.10.2021 de virazîya. Awankerdişê Banê Zanayişî ganî mabênê 240 roje de biqedêyo.Seba îhaleyê Banê Zanayişî 11 fîrma pêşnîyazê xo kerd.

Belgeyê fîrmayan hetê komîsyonê îhale yeno wekenitiş û pêynîya xebatan fîrmayo serkewte bêra aşkerakerdiş.