Erxenî de îhaleyê plakayê taksîyan bêra viraştiş

Şaredarîya Bajarê Girdî ya Dîyarbekirî qezaya Erxenî de semedê plakayê 150 taksîyî îhale akeno.

Şaredarîya Girdî semedo ke kiriştişê raywanan bigîrê binê qeydî û verê taksîcîyê korsanî bigîre plakayê taksîyan seba 29 serran vejîyeno îhale.

Qezaya Erxenî de seba vinderheganê Otogra de 15, neweşxane de 20, qonaxa hukmatî de 15,postxane de 15,rayê Pîranî de 15,Tokî-1 de 10, Tokî-2 de 10, Mektebo Vêren ya Ataturkî de 15, Çor rayê Çêrmugî de 20, Park de 15 pêroyî de 10 nuqte de 150 plakayê taksîyan bêra îhalekerdiş.

Goreyê şertê îhaleyî ganî kesê ke wazenê tewrê îhaleyî bibê roja îhaleyî rab ê mabên 5 serrî Erxanî de ronişê.

Bedelê muhammen ya îhaleyî bê KDV sey 100 hezar lira ame tespîtkerdiş û herkes eşkenê heme plakayan peşniyazî xo bidê.

Hemwelatîyan do eşkerê nemeyê bedele îhaleyî hewayêko peşîn bedele bin zî pê 2 texsîdan serreyêk de bide.Eke hemwelatîyan hemine bedele Îhaleyî yewca de bide înan rê zî se ra 10 erjanî dîyeno.

Ganî hemwelatê ke îhaleyî qezenç bikerê mabênê 3 aşmî de dest pê xebate bikerê.

Îhaleyî 18-19ê Teşrîne de

Îhaleyê plakayê taksîyan hetê encumenê şaredarî 18-19ê Teşrîne de Merkezê Kulturî ya Alî Emîrî de bêra viraştiş.

Serrnameyî de bigêre

« Tebaxe 2022 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31