“Planê Pawitişê Hewze Awbenda Dîcle” virazîyeno

Midurîya Pêroyî yê Awe û Îdareyê Kanalîzasyoonî ya Şaredarîya Bajarê Girdî ya Dîyarbekirî (DÎSKÎ), çarçiwa “Planê Pawitişê Hewze Awbenda Dîcle” de kombîyayişo vêren virazîya.Kombîyayiş otelêke de pê tewrê Midurê Pêroyî ya Dîskî M.Firat Tutşı, midurê şaredarî û sazgehan  virazîya.

Midurê Pêroyî yê DÎSKÎ M.Firat Tutşı kombîyayiş de qalîkerd û da zanayene ke nê serranê pêyenan de hewayî vurîyenê aye ra awe cuya ma de cayêko hîna girîng gêno.

Tutşî aşkera kerd ke çimeyê bin û ser erdî yê awe zî bêpeynî nîyê û awa pak roj bi roj kêm beno û resê awa pak zî hîna çetin beno.

“Ma do pê projeyi probleme awa şimitişî ya Dîyarbekirî hetanî serra 2055 safî kenî”

Tutşîyî da zanayene ke pê projeye “Awanîya Awa Şimitişî yê Merhale ya diyîne ya Dîyarbekirî”  dest Pêkerdo û bade qalîekrdişê xo wina domna : “200 mîlyon lira mesref şino ina xebate û ma hedef kenî ke hetanî serra 2023 xebatanê xo temom bikerî. Qedîyayişê ina projeyi probleme awa şimitişî ya Dîyarbekirî hetanî serra 2055 bêro safîkerdiş.Midurîya Dîskî nika Awbenda Dîcle ra awa ke xam gêno pê xeta erşawitişî ya 32 kîlometreyin, Tesîsê Sefênayişê awe de sefêneno û kuweno xizmetê 1 mîlyon hemwelatê ma.”

 Tutşî vîr vîst ke Awbenda Dîcle 634 kîlometrekare yo û  serra 2001 de ameyo akerdiş.Tutşîyî kîfş kerd ke cayê projeyi se ra 70 qezaya Pîranî de, se ra 20 qezaya Gêlî de, se ra 9 qezaya Hênî de û se ra 1 qezaya Erxenî de ca bigîro.Tutşî aşkera kerd ke semedê pawitişê awe û qalîteyê awe xebetiyenî û Tutşî : “Ma ganî Awbenda Dîcle sey çimanê xo bipawê” vat.

Tutşîyî da zanayene ke aşma Hezîrane ya serra 2021 de mabênê Dîskî û Fîrmaya İO Çevre Çözümleri ameyo îmzakerdiş û 7ê Temmuze de zî xebatan dest pê kerdo.

 Tutşî aşkera kerd ke Pêynîya ina projeyi de semedê pawitiş û tedbîranê çimeyê awe bire bêro girewtiş.Tutşî qalîekrdişê xo wina qedînay : “Semedê apwitişê ehwzeyan û tedbîran hetêk ra zî perwerdeyan bêra viraştiş. Ma zaf keyfweşî ke ina projeyo girîng ma kenî xizmetê şarî û ma wazeme ke ina proje hemwelatê ma rê xeyrin bo.”

Kombîyayiş de Koordînatore Projeyî Prof.Dr.Erdem Gorgun û Endezyaro berz ya Jeolojî Emet Karamurselî zî derheqê proje de peşkeşêk viraşt .

 

 

 

 

Serrnameyî de bigêre

« Çele 2022 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31