Midurîya Pêroyî yê Awe û Îdareyê Kanalîzasyonî ya Şareadrîya Bajarê Girdî ya Dîyarbekirî ( DÎSKÎ), doktoranê ke cîya-cîya neweşxaneyan di wezîfe kene, kerd mêman û derheqê awguznayişê awe de agahî daye înan.

DÎSKÎ, Serekîya Midurê Weşî ya Bajarî Cıhan Tekınî, pê heyeto 20 kesan Tesîsê Awguznayişê Gendawe de kerd mêman.

Midurê pêroyî ya Dîskî M.Fırat Tutşı derehqê zanayişê teknîkî de agahî daye doktoran.

Tekîn û heyete pîya sefênayişê awe ca de vînayî.  Tutşı beyanata xo di da zanayene ke Dîskî feydeyê hemwelatîyan esas gêno labelê erjê sefênayişê awe zî esta.

İna awe de heqê 1 mîlyon hemwelatê am estê

Tutşî aşkera kerd ke ina awe de nêzdîyê heqê 1 mîlyon hemwelatî estê û aye ra qedênayişê xebitnayişê awa qeçax berpirsîyarîyê herkesi yê.

Tutşı da zanayene ke Dîskî 15 hezar û 722 metrekareyin ca ser o xeebtiyenî û xizmetê xo bene en dewa dûr û bêja zî.

Tutşî îzeh kerd ke semedo ke awe bireso bajar, Bendawê Dîcle ra yena girewtiş, xetê îsaleyî  ra yena Tesîsê Awguznayîşê Awe û uca ra pê şebekeyanê awa şimitişî dîyena her ca aye ra awa ma zaf  qelîteyîn a.

 Midurê Weşî ya Bajarî Cıhan tekınî zî aşkera kerd ke awa bajarî ma tim û tim analîzan ra derbaz benê û bade wina vat “Encamê analîzan de ma vînenê ke awa ma zaf qalîteyin û pak a. “