Etabo sifte ya îhaleyê plakayê taksîyan ya Erxenî virazîya

Şaredarîya Bajarê Girdî ya Dîyarbekirî qezaya Erxenî de semedê plakayê 150 taksîyî îhale akerdbi.

Şaredarîya Girdî semedo ke kiriştişê raywanan bigîrê binê qeydî û verê taksîcîyê korsanî bigîre plakayê taksîyan seba 29 serran vejîyeno îhale.

Qezaya Erxenî de seba vinderheganê Otogar de 15, neweşxane de 20, qonaxa hukmatî de 15,postxane de 15,rayê Pîranî de 15,Tokî-1 de 10, Tokî-2 de 10, Mektebo Vêren ya Ataturkî de 15, Çor rayê Çêrmugî de 20, Park de 15 pêroyî de 10 nuqte de 150 plakayê taksîyan ameybi îhalekerdiş.

Goreyê şertê îhaleyî ganî kesê ke wazenê tewrê îhaleyî bibê roja îhaleyî rab ê mabên 5 serrî Erxanî de ronişê.

Komîsyonê îhale pê serekîyê Sekreterê Pêroyî ya Şaredarî Ayhan Kardanî Merkezê Kulturî ya Alî Emırî de virazîya û îhale pê weşano ganî hesabê medyayê komelkî ya şaredarî ser o weşanîya.

Hemwelatîyan 12 plakayê vindergahê Otogarî ra 3 rê, 20 vindergahê neweşxaneyî ra 17 rê, 20 vindergahê Çor rayê Çêrmugî ra 2 hebî rê , 15 plakayê vindergehê qonaxa hukmatî ra 1 hebî rê, 15 plakayê vindergehê postxane ra zî 10 hebî rê pêroyî de 33 plakayî rê peşnîyazê xo kerdê.

Etabo sifte de semedê plakayê binan peşnîyazî çinbi aye ra 85 plakayê ke 5 vindergeh de bixebitê îhale virazîya.

Etabi diyîn ya îhaleyî de semedê plakayê vindergehê Rayê Pîranî, Tokî 1,Tokî 2,Park û Mektebo Vêren ya Ataturkî îhale bêra viraştiş.