Walî Karaloglu : “Her cayê bajarê ma de xebatê ma estê”

Walîyê Dîyarbekirî Munır Karaloglu pê merasim xizmetanê Erxenî akerd û bingehê tayê xizmetan zî erzîya.

Walîyê Dîyarbekirî Munır Karaloglu : “Nika her hetê bajarê ma de xebatê ma estê aye ra sey cayê şantiye yo. Ma sezonê asfalto germin pê hedefê 1200 kîlometre rayîr akerd û ma hema hema xebate xo qedînay.”

Walîyê Dîyarbekirî Munır Karaloglu, qezaya Erxenî de 45 kîlometreyin rayîr akerd û bingehê Merkezê Fek û Didonan  û Merkezê Weşî ya Kemertaşî eşt.

Qezaya Erxenî de semedê akerdişê xizmetan merasim virazîya û merasim rê   Walîyê Dîyarbekirî Munır Karaloglu, Parlementerê Dîyarbekirî Mehdı Eker,Qeymeqam û Serekwekîlê Şaredarîya Erxenî û hemwelatîyan beşdar bîyî.

Walî Karaloglu derheqê Merkezê  Weşî ya Kemertaşî û Merkezê Weşîyê Fek û Didonan agahî daye û da zanayene ke 14 mîlyon û 511 hezar lira mesref şino û waşt wa heme hemwelatê ma rê xeyrin bo.

Karalogluyî bade qalîkerdişê xo wina domna: “Ma emser semedê qezaya Erxenî seba 134 kîlometre rayîr îhale viraşt. Ewro ma do 34.6 kîlomereyin rayîrê abikero.Hemwelatê ma rê xeyrin bo.”

Erxenî turîzmê yeqînî de cayêko girîng der o

Karalogluyî aşkera kerd ke rayê  Koyê Meqamî yo ke goristanê Zilfif Pêxemberî uca de ca Gêno, demêko kilm ver ameyo asfaltkerdiş.Karalogluyî Kîfş kerd ke hetê xizmetê de cîyayî Nêkeno û bade wina vat : Nika her hetê bajarê ma de xebatê ma estê aye ra sey cayê şantiye yo. Ma sezonê asfalto germin pê hedefê 1200 kîlometre rayîr akerd û ma hema hema xebate xo qedînay. Ma înşlallah xebatanê bîn zî serra 2022 de bidomnê. “

Ma eşkenê heme problemê Dîyarbekirî safî bikerê

Karalogluyî da zanayene ke heme probleme Dîyarbekirî sira reyde yene safîkerdiş. Karalogluyî : “Îzna Homayî û ewilî pê piştîyê Serekkomarê ma Recep Tayyıp Erdoganî , badê piştîyê wezîrê ma û parlementerê ma heme probleme Dîyarbekirî bêro safîkerdiş.çîyê muhım uyo ke pê rezkî û goreyê muhîmîyê probleman safîekerdiş o.”

“Êdî bes e”

Karalogluyî pêynîya qalîkerdişê xo de îzeh kerd ke ganî ina hewayo weş ya bajarî ma, ma pîya bipawê û ganî hemwelatê ma hemverê xayîn û dişmenan vinderê ke ma zî kar û gurê xo bikeme.

Karaloglu akerdişê xizmetan ra dima Merkezê Piştîyê Keyeyan ziyaret kerd û xebate Kursê Quranî ya Kenayan sehna.

 

Serrnameyî de bigêre

« Gulane 2022 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31