Qerejdaxî rê “Kerem ke”

 Qezaya Çinarî dewa Ovabagî de pê wayîrîyê Walîtîya dîyarbekirî Şareadrîya Bajarê Girdî ya Dîyarbekirî tura bisqilêtan û meşîyayişê xozayî virazîya.

Çalakî rê Walîyê Dîyarbekirî Munır Karaloglu, cinîya ey Sevım Karaloglu, Qeymeqama Çinarî Guher Sınem Buyuknalçaci, serekê dayîrêyê şaredarî, sporbaz û tayê federasyonê sporbazan û hemwelatîyan beşdar bîyî.

Walîyê Dîyarbekirî Munrı Karaloglu merasim de qalîkerd û “Şarê ina mintiqa û nê dewanê bêja zî hetê turîzmî de cayêko heq kenî do bivîne û ma do pîya şahîdîye bikerî. Ma heme Cîhane rê heme Tirkîya rê vanê Kerem ke” vat.

Tura bisqilêtan qezaya Çinarî dewa Ovabagî de dest pêkerd û mezrayê Şımşekî, Rayê Lavî de qedîya.Sporbaz û hemwelatê ke Mêrdîn,Rîha û Dîyarbekir ra ameybi 10 kîlometreyin rayîr de musabaqa kerd.Badê Eşkeftê Qerejdaxî de meşîyayişê xozayî virazîya.

Meşîyayişê xozayî rê Walı Munır Karaloglu û cinîya ey Sevım Karalogluye zî beşdar bîyî

Walî Munır Karaloglu Eşkefte Kopru de beyanat da rojnamegeran û da zanayene ke semedo ke Qerejdax mabênê jeoparkan de cayê xo bigîrê UNESCOyî rê muracatan virazîyayo û eke bêra qebûlkerdiş hetê zaf kesan bêro zîyaretkerdiş.

Karalogluyî îzeh kerd ke hetê amrkabîyayişê mezopotamyayî de demê pêyenan de Wezaretê Kultur û Turîzmî,Wezaretê Teknolojî û Sanayî û Îdareyê GAPî xebatanê zaf girîng virazenê.

Armancê ma daşinasnayişê bajarî ma yo

Karalogluyî vîr vîst ke bajaranê Mêrdîn, Rîha û Dîyarbekirî reyde pê şirikî ina çalakîyê “Rayê Lavî” ameyo serrastkerdiş û Karalogluyî bade qalîkerdişê xo wina domna: “Armancê ma daşinasnayişê kultur û tarîxê ma yo. Ma wazeme ke herkes ina erjeyan bizanê û bêrê bivînê ti ra îstîfade bikerê.İna armanc de ma do xebatanê xo bidomno.”

Karaloglu badê qalîkerdişê wina qedînay:”Ma wazeme ke ina rewşe weş û huzurin ma bipawê.Ma wazeme ke bajarê ma bibo bajarê senet,kultur û hunerî. Şarê ina mintiqa û nê dewanê bêja zî hetê turîzmî de cayêko heq kenî do bivîne û ma do pîya şahîdîye bikerî. Ma heme Cîhane rê heme Tirkîya rê vanê Kerem ke.”

Serrnameyî de bigêre

« Gulane 2022 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31