Print this page

Xebata restorasyonê sûran de şebekeyê awa şimitişî vejîya

Xebata restorasyonê sûran de şebekeye awe yo ke hetê Kanunî Sultan Suleymanî dîyayo viraştiş, vejîya meydan.

Şareadrîya Bajarê Girdî ya Dîyarbekirî çarçiwa xebata restorasyonê sûran de xebatanê xo bê mabên domneno.

Semedo ke Sûranê Dîyarbekirî yo ke Hurrîyan ra bigîre hetanî Osmanîyan 33 qewmî rê wayîrtî ekrdo, birese aje binan xebata restorasyonê sûran ya Şaredarîya Girdî pê leze dewom keno.

Sûranê Dîyarbekirî yo ke têde 82 birc ca gêno û 5 hezar û 200 metre dergi der o, serra 2015 de girîya Lîsteya Mîrasanê Cîhanî yê UNESCOyî aye ra xebatanê sûran hetê Komîsyonê Zanyarî yê Wezaretê Kultur û Turîzmî bi balkeşî yênê sehnayiş.

Serra 1543 de şebekeye awa şimitişî

Çarçiwa etabê hîreyin ya restorasyonê sûran de bircanê bi humara 1-2-5-7 û 8 de semedo ke qatê bircan bêra tespîtkerdiş xebata kendîşî virazîya. Ekîbon xebata kendîşî de raştê şebekeye awa şimitişî ameyê. Yeno zanayiş ke şebekeyê vilakerdişê  awa şimitişî hetê Kanunî Sultan Suleymanî serra 1543 de dîyayo viraştiş û hetanî serra 1930 bajarê ma  îxtîyacîyê awa şimitişî bi ina şebekeyi vîyarnayo.

Şebekeyê vilakerdişê awe pê herrayê pewjîyaye yo ke ci rê kunk yeno vatiş, ameyo viraştiş.

Seyehetnameyê Evlîya çelebî de ca gêno

Semedo ke îxtîyacîyê awe ya şarî biveynê deme Osmanîyan de hetê Kanunî Sultan Suleymanî, awa Hamrawatî pê kemera awe kirişîyayo hetanî birca bi humara 7ine û tîya de zî pê borîyê awe yo ke bi herrayê pewjîyaye kirişîyayo Camîya pile , hemam, xan û banan. Ewlîya Çelebî  seserra 16ine de ameyo Dîyarbekirî zîyaret kerdo. Nê zanayişê şebekeyê awe Seyehatnameyê Ewlîya Çelebî de ca gêno.