Walî Karaloglu : “Ma 24 saet emrê Dîyarbekirî de yî”

 Qezaya Çêrmugî de 147 kîlometre rayîrî ke hetê Şaredarîya Girdî virazîyayo  û ercê xebate 29 mîlyon lira yo ame akerdiş.

Walî Karaloglu : “Ma 24 saet emre Dîyarbekirî de yî. 24 saet emre Çêrmugî de yî.Ma semedo ke cuyêke hîna qalîteyin her hetê Dîyarbekirî de şewe û roje bê mabên xebetiyenî û ma do xebatanê xo bidomnê.”

Walîyê Dîyarbekirî Munır Karaloglu qezaya Çêrmugî de 147 kîlometre rayîrî ke ame newekerdiş akerd.

WalÎ Karaloglu zîyaretê Çêrmugî rê Sîteyê Sanayî ya Çêrmugî yo ke Şaredarîya Girdî uca de xebatanê xo domneno, ra dest pêkerd û xebatanê raştkerdişê dorûverî sehna.

Badê Walî Karaloglu xozahesan reyde tewrê rayşîyayişê xozayî ya mabênê Çirrê Şeyhandede û Yabanardi bîyî.Çirrê Yabanardi û Şeyhandede yê ke seba ke bibê Parkê Xoza xebatanê înan dewom keno.

Karalogluyî meşîyayişê xoza ya mabênê Çirra Yabanardi û Şeyhandedeyî  yê 4 kîlometreyin ra dima da zanayene ke xebata Parkê Xoza kerdişê ina cayê hema hema qedîya.

Ma seba safîkerdişê probleman şewe û roje xebetiyenî

Walî Munır Karaloglu merasîmê akerdişê rayîrî de qalîkerd û “Tercîhê înan ver hetanî nika ceza dîyena Çêrmugî.La ma emser taybetî xebata viraştişê rayîran de giranîye dayê tîya.Ma teyna rayîr nêvirazenê ma goşdarîya muxtar,qeymeqom,şaredar û hemwelatê xo kenî û seba safîkerdişê nê probleman zî xebetiyenî.”

Wayîr vejîyayişê erjê Dîyarbekirî wezîfeyê ma yî

Karalogluyî îzeh kerd ke çirrê ke qezaya Çêrmugî de ca gênê hetê Dîyarbekirî zî nêno zanayiş û Çêrmug sey behiştêke nimite yo aye ra vejîyayişê erjê Dîyarbekirî xebatanê xo bidomno.

Karalogluyî da zanayene ke qebrê eshabeyî ke Çirra Şeyhandede ca gêno zî do bibo tirbe.

Çirra Şeyhandede bena Parkê Milî

Walî Karalogluyî aşkera kerd ke semedo ke warê ke Çirra Şeyhandede û Çirra Yabaardi de maneno biba Parkê Milî xebatan ameyo qedînayiş û “Midurîya Parkê Milî ya Mintiqa xebatanê teknîk qedînay. Nika ina proje şî vere îmzayê Wezîrê Zîret û Daristanî.Înşalla ma do mabênê 10 rojan de tîya sey Parkê Milî aşkera bikerê” vat.

Karalogluyî vîr vîst ke ina mintiqa girîyayo bine pawte û semedo ke hemwelatîyan tîya bi rehetî zÎyaret bikerê zî hetê Şaredarîya Girdî tesis bêra awankerdiş.

Karalogluyî îzeh kerd ke pirdo ke mabênê rayê Koyê Gelıncık û Çemê Sînegî de ca gêno zî hetê yewi ameyo viraştiş û rayê girêdayişî zÎ hetê Şaredarîya Girdî bêra viraştiş.

Awbendan rê mijdana Baxçeyê Şarî

Karalogluyî kîfş kerd ke 2 otelê ke rewşe xirbe de bi ameyê weşonayiş û hetê Şaredarîya Semsunî yo ke Şaredarîya Çêrmugî ra Şaredarîya Bira yo 40 dekar ca ser de Baxçeyê Şarî bêra awankerdiş.

Karalogluyî vîr vîst ke xebata raştkerdişê kuçeyî û bînayê Şaredarîya çêrmugî dewom keno û Neweşxaneyê Çêrmugî zî bêra newekerdiş.Karalogluyî vilakerdişê makîneyê citkaran zî vîr vîst  û da zanayene ke heme lebateyê înan seba zêdekerdişê ameye hemwelatîyan o.

Çêrmug de Banê Zanayişî yena awankerdiş

Karalogluyî da zanayene ke yurdê ke nêno xebitnayiş bêra newekerdiş û açarîyeno Banê Zanayişî.

Karalogluyî kîfş kerd ke Wezaretê  Ciwan û Sporî awankerdişê tesîsê sporî domneno.Walî Karaloglu qalîekrdişê xo wina qedînay : “Ma 24 saet emre Dîyarbekirî de yî. 24 saet emre Çêrmugî de yî.Ma semedo ke cuyêke hîna qalîteyin her hetê Dîyarbekirî de şewe û roje bê mabên xebetiyenî û ma do xebatanê xo bidomnê.”

Merasîm rê Walî Munır Karaloglu, Parlementerê Dîyarbekirî Mehmet Mehdı Eker,Ebubekır bal û endamê MKYKyî AK Partîyî Suna Kepolu Ataman û Alaattın Parlak, Serekê Ak Partîyê Bajarî Mehmet Şerıf Aydin,Sekreterê Şaredarîya Bajarê Girdî ya Dîyarbekirî Ayhan Kardan û Serekê Dayîreyê Şaredarî ebşdar bîyî. Merasîm de Parlementerê Dîyarbekirî Mehmet Mehdı Eker,Qeymeqomê Çêrmugî Ramazan Polat û Şareadrê Çêrmugî Şeyhmus Karamehmetogluyî qalîkerdişêk viraşt.

 

 

 

 

 

Serrnameyî de bigêre

« Teşrîne 2022 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31