Humara 5.ya “Keremke” vejîya

Şaredarîya Bajarê Girdî ya Dîyarbekirî semedo ke xizmet û sermayegozarîye xo hîna weş biresnê şarî pê nameyê “Keremke” her aşme rojname çap keno ûhumara 4.ya  rojnameyê Keremke vejîya.

Şaredarîya Girdî derheqê xizmetê ke serawanî û binawanî yê qeza û merkezê bajarî de yenê viraştiş pê rojnameyê “Keremke” hemwelatijan hayîdar keno.Humara 5.ya “Keremke” vejîya.

Humara 5.ya Keremke pêroyî de 32 ripel o. Hemwelatijan bultene şaredarî ya 32 rîpelin eşkenê sey hewayêko dîjîtal sîteyê şaredarî de biwanê. Sewbînan hemwelatijan eşkenê AVM, wesayîtê komresî, muze, merkeze cinî û ciwanan û kirathaneyan de biresê bültene.Rojnameyê “Keremke” hetê xebatkarê şaredarî zî cade û kuçeyan de bêro vilakerdiş.

Walî Munır Karaloglu seba humara 5.ya “Keremke” nuşteyêk weşana û nuşteyê xo de da zanayene ke Dîyarbekir tarîxê insanetiye de cayêko giring der o û aye ra o wazeno ke Dîyarbekir bêra cayê ke heq keno.Karalogluyî kîfş kerd ke serawanî ra hetanî binawanî ehr hetê bajarî de xebatanê xo domneno û “Ma semedo ke bajarê ma hetê kultur, senet, zîret, sanayî û turîzmî ra hetanî ilimî aver şêro ma şewe û roje xebetiyenî.”

“Dîyarbekir bena merkezê îstîhsal û îxracatî”

Karalogluyî aşkera kerd ke projeyî ke o virazeno welate ma de nimune yê û “Ma ina çarçiwa de îhaleyê Dewa Lojîstîk ya Tirkîya ya en gird viraşt. Dîyarbekiro ke tarîxê xo de merkeze bazirganî bî demêko kilm de ageyro rojanê kehen” vat.

“Ma ciwananê xo senet,kultur û sporî reyde anê têhet”

Walî Karalogluyî îzeh kerd ke qepsema şaredartîya sosyal de xebatanê kultur-senet,spor,ciwanî û perwerdeyî bê mabên domneno.Walî Karaloglu : “Ma emser Sezona Kultur û Senetî ya serra 2021-2022 seba Feqîyê Teyrano ke mabênê nuştox û edebîyatê kurdî de cayêko girîng der o cîya kerd.Ma do emser çalakî û aktîvîteyê xo semedê daşinasnayişê kamîya edebîyate Feqîyê Teyranî bivirazê û  semedo ke şarê ma berhemê Feqîyê teyran hîna baş bizanê berhemê ey çap bikero. Ma wazeme ke Dîyarbekirîjan ina sezon pê konser, dengbej, ramojnayişê sinema,tîyatro, festîval gêyrayişê muze û programê yadkerdişî mirda xo keyf bikerê.”

Karaloglu nuşteyê xo wina qedînay : “Ez bawera ke sibarojêke hîna weş ma pawenî. Beso ke suhbet û zerrîyê ma yew bo.”