Kursê EKPSS rê eleqeyêko hewl

Şaredarîya Bajarê Girdî ya Dîyarbekirî semedê astengdaranê ke kewenê EKPSS hîna rehet bixebitê kursê EKPSS akerdbi.

Şareadrîya Bajarê Girdî ya Dîyarbekirî pê ferasêtê şaredartîya sosyal hemwelatê astengdarî Rê destegê xo domneno.

Serekîya Dayîreyê Xizmetanê Sosyal ya Şaredarîya Girdî semedo ke hemwelatê astengdarî rê hem rayê îstîxdamî akero hem zî qabîlîyetê înan bivejo werte xebatanê xo domneno.

Kursê EKPSS semedê astengdarê çiman,goşan,fîzîkî û zîhnî cîya-cîya ame akerdiş.Heme kursan de hemwelatê astengdarî dersanê Tirkî, Matematîk, Cografya, Tarîx û Anayasayî Gênê.

Hemwelatê astengdarî semedo ke xeyelanê xo biçarnê raştî kursê şaredarî rê eleqeyêko weş mojnayî.

Astengdarê Ortopedîk Mehmet Araç derheqê kursê şaredarî de qalî kerd û wina vat : “Mamostayê ma dersanê xo goreyê beşdaran vanê. Goreyê astengîye ma danê zanayene. Teber de hemwelatîyan ma rê xeylê ferqîn ewnîyenê. La tîya de empati estê aye ra ma zaf rehet î. Ma tîya de teyna dersan nêgênê ma tîya de destegê sosyal zî gênê.”  Araçî vîr vîst ke bine banê Şareadrîya Girdî de semedê astengdaran cîya-cîya kursan estê. Astengdaran eşkenê tewrê nê kursan bibê û mabênê komelê de xo rê cayêk bivîne.

Ebru Yaşîne ke kanserê loqiran ver nêweş a da zanayene ke tîya de destegê psikolojik zÎ gêna û nika mabênê komelê de hîna rehet a.

Yaşînî da zanayene ke saya kursê şareadrî de probleme adaptasyonî safî kerda û Yaşînî bade wina vat : “Tîya de xeylê yariye ma estê. Ma tîya de zaf rehet î. Tîya teyna semedê dersan nîya. Mamostayê ma zî tîya de ma reyde zaf eleqeyeder bênê.”

Metîn Selçuko ke astengdarê ortopedîkî yo da zanayene ke tîya de xo sey astengdar hîs nêkeno.Selçuk heme astengdaran dawetê tîya kerd.

Kursanê Merkezê Destegê Astengdaran û Merkezê Cuya Aktîf ra hetanî nika 126 hemwelatê astengdarî îstîfade kerd.