Print this page

Xelatê kursîyerê serkewte ya perdpewjî dîya

Şaredarîya Bajarê Girdî ya Dîyarbekirî semedê daşinasnayişê gastronomîyê bajarî ma Birca Bize de seba cinîyan perwerdeyê werdpewjî serrast kerdbi û netîceyê perwerdeyî de sertîfîka dîya kursîyeran.

Şareadrîya Girdî hemkarîya Midurîya Kultur û turîzmî û Serekîya Îdareyê Averşîyayişê GAPî çarçiwa “Aktîfkerdişê Birca Bize” de semedê îstîxdamê cinîyan kursê werdpewjî akerdbi.

Kursîyeran bi hewayêka serkewte perwerdeyê xo qedînay û 100 kursîyerê sertîfîkayê xo girewt. Çarçiwa projeyî de standê gerok ya rotişe dîya 4 beşdarê ke hetê komîsyonêke azad amebi kîfşkerdiş,

Merasîmê vialkerdişê sertîfîkayan de Sereka Dayîreyê Cinî û Keyeyan ya Şaredarîya Girdî Ayşe Handan Eker qalîkerdişêk viraşt.

Handane qalîkerdişê xo de ewilî xebat û kedê înan ver kursîyeran rê spas kerd bade wina vat: Ma her tim kişta şima de yî. Semedê geşkerdişê ina komele û cinîyan çi deste ma ra bêro ma texsîr Nêkenî.İna xebat zî semedê kiriştiş û daşinasnayişê kültüre ma zaf weş bî. Semedê sibarojêke hîna weş,hêvîdar û xêzdar cinîyanê ganweş lazim ê.

Ma do gastronomîyê bajarî xo bideme daşinasnayiş

Perwerdekar Ayla Aslan Polat da zanayene ke werdê ke yena vîrkerdiş ameyêne rojane.Polate bade qalîkerdişê xo wina domna : “Armancê ma uyo ke hem kursîyerê ma werdpewjî bimusê hem zî pê nê standanê gerok werdê xo roşê.Heto bîn ra zî semedê daşinasnayişê gastronomîyê bajarî ma, ma do  nê standan cayanê tarîxî de abikerê.

Ma werde ke ameyê vîrkerdiş pewjenê

Zeliha Barane ke musabaqayê werdpewjî de bi yewin, da zanayene ke merakê xo ver tewrê musabaqayî bîya û bade kîfş kerd ke a wazena werdê xo biçarne senetê û roşe.

Kursîyerê werdpewjî Şirin Çiçeke zî aşkera kerd ke saya ina perwerdeyî de mesleg musaya.

Wendekarê Unîversîteya Dîcle Yazgul Atsize zî da zanayene ke keçkina xo ra hetanî nika merakê werde kerda û saya ina kurse zî nika şêna bi hewayêko profesyonel werd bipewjê.

Atsize veng da hemwerrê xo zî û waşt wa ê herinda fast food de werdê cayî biwerê.