Şaredarîya Bajarê Girdî ya Dîyarbekirî pê îhaleyê plakayê taksîyê bazirganî ya ke qezaya Farqînî de bêra xebitnayiş, hemwelatîyan kerd keyfweş.

Şaredarîya Bajarê Girdî ya Dîyarbekirî semedo ke kiriştişê raywanan bigîrê binê qeydî û verê taksîcîyê korsanî bigîre qezaya Farqînî de plakayê taksîyê bazirganî akerdbi.

Îhale de 69 taksîvanê peşnîyazê xo dayebi û plakayê xo girewtbi.Taksîvanê Farqînij girewtişê plakayê taksîyê bazirganî ver zaf keyfweş î.

Ma hem mişterîyê xo pawenê hem zî xo pawenê

Ferdı Nesneyo ke 15 serrî yo qezaya Farqînî de taksîvanî keno da zanayene ke ê zî nêşawtêne ke korsan taksîvanîye bikero la nika wezîfeyê xo şêno bi hewayêko fermî bivirazê aye ra zî zaf keyfweş o.

Mehmet Ihsano ke 200 serrî yo xebata taksîvanî keno da zanayene ke vere cû kesê ke teberê bajarî ra ameyêne tîya bawer nêkerdêne ke biwerzê taksîyê ma la nikap ê nê plakayê fermî hem mişterîyê ma rehet ê hem zî ma hîna rehetir ê.

Taksîvan Mewlut Sezık zî da zanayene ke vere cu hemwelatîyan nêzanayêne ke ma taksîvanî kenî la û badê “nika taksîyê ma fermî yê aye ra ma zaf spas kenî” vat.