Şaredarîya Bajarê Girdî ya Dîyarbekirî pê şirikîya Wezaretê Dormeleyî qezaya Peyasî Dewa Karakuyu ya Cerîn de ca de peyseragêrayîş da dest pêkerdiş.

Walî Karaloglu :“Ma hemwelatê xo reyde pîya projeye peyseragêrayişê bajarvanî danê dest pêkerdiş.”

Qezaya Peyasî dewa Karakuyu ya Cerîn de ca de peyseragêrayiş dest pêkerd.

Walîyê Dîyarbekirî Munır Karaloglu xebatanê peyseragêrayişê bajarvanî ca de sehna ûd erheqê xebatan di agahî girewt.

Walî Karaloglu tîya de qalîekrdişêk viraşt û da zanayene ke pê şirikîya Wezaretê Dormeleyî cîya-cîya taxê Dîyarbekirî de peyseragêrayiş dewom keno.Karalogluyî vîr vîst ke xebatanê peyseragêrayişê qezaya Yenîşehrî taxê Dîcle û Ferîtkoşk, qezaya Baxlarî taxa Kaynartepe de xebatan bê mîyan dewom keno.

Karalogluyî aşkera kerd ke xeylê hemwelatîyan  mintiqa Karakuyu ya Cerîn de zaf gerrê kerdo û bade wina vat : “Mîyanê bajarî de axur estbî, boyê pîs estbî û  aye ra zî meş û melşe estbî. Hem hemwelatê ke tîya de ronîşenê hem zî bînan ene rewşe ra ver keyfweş nêbî. Ma bawer kenî ke hemwelatê ma her çîyê weş heq kenî û heq kenî ke cayêko hîna weş û modern de bicuwe. Heme hemwelatê ma semedê ma qîymetin ê. “

“Ca de peyseragêrayîş virazîyeno”

Karalogluyî vîr vîst ke tîya de ca de peyseragêrayîş dîyayo dest pêkerdiş û aye ra hemwelatê ke dewa Karakuyu de ronişenê şêno peyseragêrayîşê bajarvanî ra dima reyna tîya de bicuwe.La tîya de 52 donim ra 25 donim sey cayê zergûnî bêra cîyakerdiş.

“Ma xizmetkar û xebatkarê şarê xo yê”

Karalogluyî da zanayene ke kar û gurê ê safîkerdişê probleme şarî yo û Karaloglu qalîkerdişê xo wina domna : “Ez demogojî ra hes nêkena. Karê mi xebetîyayiş a. Ez bala xo dana encamê xebatan û ez nê xebatan de lebate kena.Ma xizmetkar û xebatkarê şarê xo yê. Ma goreyê waştîşanê hemwelatê xo xebetiyenî. Hemwelatê ma tîya de yî û muxtarê ma tîya de yo eke gerreyê înan estê şêno vajê la se ke şima zî zanenê gerreyê înan çina. Herkes bizanê ke ma hez û qewetê xo hemwelatîyan ser o nêxebitnenê ma xayînan ser o xebitnenê.”

“Hemwelatê ma layîqê bajarvanîyêko weş o”

Karaloglu vîr vîst ke qezaya Peyasî taxa Peyasî de bi serreyan o ke problemê bajarvanîyê xelet nêno safîkerdiş la Wezaretê Dormeleyî hemwelatîyan reyde pêvînayiş viraşt û tîya de ca de peyseragêrayîşê bajarvanî virazîyeno û aye ra hemwelatîyan zî zaf keywfeş  î.Karaloglu : “Ma waştîşê peyseragêrayişê tîya resna û hetê Wezaretê Dormeleyî zî qebûl vîna. La Odeya Plansazê Bajarvanî yo ke TMMOBî ser o xebate kena ca de îtîraz kerd û dewa akerd û aye ra zî proje ame betalkerdiş.Wayîr vejîyayişê bajarî Pê zulm û zordestî nêbena.Heskerdişê hemwelatîyan û bajarê xo pê saf3ıkerdişê probleman bena. Heta ke deste m ara bê ma do hemwelatê xo reyde semedê bajarvanîyêko hîna weş bixebitê” vat.

“Bawer bibên”

Walî Karalogluyî vîs vîst ke Serekkomar recep Tayyıp Erdogan bi taybetî projeye bajarî ma rê zaf eleqeder beno.Çimkî bajarê ma zaf serreyan bê xizmet vîyarto. Ma lebate kenî ke bajarê ma endî xizmetanê en weş bigîrê. Ez hemwelatê ma rê spas kena ke xebatan di înan zaf hetê ma girewt. Bawer bibên. “

Çalakî rê Qeymeqomê Peyasî Unal Koç, Endamê MKYK yê Ak Partî Alaattîn parlak, muxtar û hemwelatîyan beşdar bîyî.