Şaredarîya Bajarê Girdî ya Dîyarbekirî çarçiwa xebatanê şaredartîya sosyal de serra 2021 de deste xo dergê heme hemwelatê dezavantajînan kerd.

Serekîya Dayîreyê Xizmetanê Sosyal ya Şaredarîya Bajarê Girdî ya Dîyarbekirî serra 2021 de hem hemwelatê dezavantajînan rê hem zî esnafê ke prosesê pandemî de kargehê xo padabî rê 15 ehzar û 200 kolîyê xida vila kerd.

Semedo ke kesê dezavantajînan îxtîyacîyê xo biveynê projeye “Qerto Sosyal” da dest pêkerdiş.  17 qeza de hesabê  12 hezar û 110 keyeyî rê 9 mîlyon 409 hezar û 50 lîra pere ravist.

Şaredarîya Girdî semedo ke keyeyê wendekaran rê destegê perwerdeyî bido, ciwanê ke emser reya sifte unîversîte qezenç kerdbi , 750 lîra pere ravist hesabê înan. İan xebate ra 10 hezar û 602 gedeyî îstîfade kerd û bedele proje 7 mîlyon 951 hezar û 500 lîra bî.

Ekîbê Serekîya Dayîreyê Xizmetanê Sosyal ya Şaredarî her hetê bajarî de resa hemwelatê dezavantajînan û çarçiwa projeye “Banqê Cilan” de 790 kesê dezavantajînan 2 hezar û 835 perçe cil girewt.

Şareadrî çarçiwa xebatanê şaredartîya sosyal de vere nêweşxane û cayanê qerebalix de aşmê hamnanî de vilakerdişê limonata, aşmê zimistanî de zî vilakerdişê germî dayebî dest Pêkerdiş û çarçiwa xebatan di 476 hezar kesan rê germî, vere Camîya Pîl de zî 58 hezar kesan rê germî û limonata ame vilakerdiş.

Midurîya Îxt3ıyar û Astengdaran ya Serekîya Dayîreyê Xizmetanê Sosyal semedo ke astengdaran komele de ca bigîrê û desteg bido înan pê destegê ÎŞKURî cîya cîya kursan akerd. Ney ra bîn semedo ke astengdaran tewrê cuya sosyal bibên gêrayîş û cîya-cîya aktîvîteyan zî serrast kerd.

Merkezê Destegê Astengdaran ya Sumerparkî û Merkezê Cuya Aktîf de 3 hezar kesan rê xizmetê mişewre,5 hezar kesan rê servîs û 750 kesan rê xizmetê kursan dîya.Semedê astengdarê çiman  kitabo vengin ame viraştiş.

Semedo ke wayîrê gedeyanê astengdaran kar û güre xo hîna rehet bivînê “banê Mabêynan” ame awankerdiş.

Ekîbê Şareadrî banê 1020 heb kokiman de xebata pakîye viraşt û çarçiwa xebatan di goreyê îxtîyacîyê hemwelatîyan 66 cilê nêweşan, 18 sandalîyê nêweşan yê bitekere, 2 hezar û 300 kesan rê sete ewnîyayişê şexsî, 2 hezar û 500 kesan rê kolîyê pakî û 41 îxtîyarî rê zî cil vila kerd.

Şaredarîya Girdî Mêmanxaneyê Nêweş û Keyeyanê Nêweşan de 62 hezar û 193 nêweş û keyeyanê nêweşan kerd mêman.

500 qijan kreşanê Serekîya Dayîreyê Xizmetanê Sosyal ra îstîfade kerd.Midurîya Gedeyan ya Şaredarî şayîya gedeyan serrast kerd û gedeyî pê cîya-cîya çalakîyan mirda xo keyf kerd.