Print this page

Karaloglu:“Ma semedê açarnayişê serranê vindî xebetiyenî”

Walîyê Dîyarbekirî Munır Karaloglu, Merkezê Rehabîlîtasyonî û Keyeyê Miqatebîyayîşê Heywanan akerd.

Walî Karaloglu: “Ma semedê açarnayişê serranê vindî lebate kenî û ma do pîya hêvîyê vindî geş bikerê.”

 Şaredarîya Bajarê Girdî ya Dîyarbekirî, Merkezê Rehabîlîtasyonî û Keyeyê Miqatebîyayişê Heywanan de xebata raştkerdişî viraşt.Çarçiwa xebatan di merkez de 51 klubeyê kutîkan, amelîyatxane, laboratuvar,odeya rontgenî, banê pisîngan, binyatê îdarî û stargehê heywananê bîn û  3 baytar, 3 heb teknîkerê weşî, 9 personel,5 wesayÎt û 1 wesayîtê xasîkerdişê heywanan ca gêna.

Walî Munır Karaloglu akerdişê merkeze de qalîkerd û da zanayene ke bajar de teyna însan çina û bade qalîekerdişê xo wina domna : “Endî bajaran de ma teyna nîya aye ra ganî ma ca bideme heme heywan û candaran aye ra ma ganî semedê înan cayan awan bikeme.”

Tesîs do xizmetê heywananê bajarê ma û dormeleyî bikera

Karalogluyî vîr vîst ke şertê merkeze kehen xirab bî û hetê heywanhesan xeylê gerrê ameyêne û aye ra ma Merkezê Rehabîlîtasyonî û Keyeyê Miqatebîyayîşê Heywanan rişna û goreyê îxtîyacîyan  newera awan kerd. Hemwelatê ma wazenê ke heywanan bêra arêdayiş û merkezêk de bicuwe la ina wazîyet hetê heqê heywanan raşt Nîya û mumkun zî nîya.Ma do tîya de heywananê birîndaran û muxtacan rê wayîr vejê. “

Karaloglu da zanayene ke tesis de semedê weşîya heywanan amelîyatxane, laboratuvar,odeya rontgenî ca gêna û bade wina vat : “Hemwelat û gedeyanê ma eşkenê tîya de heywanan hes bikerê û tîya de heywanan rê wayîrî bikerê. “

Merasîm de Walîyê Dîyarbekirî Munır Karaloglu, Parlementerê AK Partî Mehdı Eker û Serekê Dayîeryê Weşîya Şarî Muhammed Kasım Aydınî zî qalîkerdişêk viraşt.

Merasîm rê Walîyê Dîyarbekirî Munır Karaloglu, Parlementerê AK Partî Mehdı Eker û Ebubekır Bal, Rektorê Unîversîteya Dîcle Prof.Dr. Mehmet Karakoç, Qeymeqomê Baxlarî Yavuz Guner, Qeymeqomê Peyasî Unal Koç, Qeymeqomê Yenîşehrî Murat Beşıkçı, Şaredarê Baxlarî Huseyın Beyoglu, Endamê MKYK yê AK Partî Alattın Parlak, Suna Kepolu, Sekreterê Pêroyî ya Girdî Ayhan Kardan, serekê dayîreyê şareadrî û hemwelatîyan beşdar bîyî.