Şaredarîya Bajarê Girdî ya Dîyarbekirî semedo ke xizmet û sermayegozarîye xo hîna weş biresnê şarî pê nameyê “Keremke” her aşme rojname çap keno û humara 7.ya  rojnameyê Keremke vejîya.

Şaredarîya Girdî derheqê xizmetê ke serawanî û binawanî yê qeza û merkezê bajarî de yenê viraştiş pê rojnameyê “Keremke” hemwelatijan hayîdar keno.Humara 7.ya “Keremke” vejîya.

Humara 7.ya Keremke hemwelatijan eşkenê sey hewayêko dîjîtal sîteyê şaredarî de biwanê. Sewbînan hemwelatijan eşkenê AVM, wesayîtê komresî, muze, merkeze cinî û ciwanan û kirathaneyan de biresê bültene.Rojnameyê “Keremke” hetê xebatkarê şaredarî zî cade û kuçeyan de bêro vilakerdiş.

Walî Munır Karaloglu seba humara 7.ya “Keremke” nuşteyêk weşana û nuşteyê xo de da zanayene ke Dîyarbekir de serra 2021 de xeylê xizmetanê girîng virazîyayo. Walî Karaloglu: “Serra newî hemwelatê ma û însanetîye rê bibo wesîleyê xeyran. Hemwelatê ma serra 2021 de welatê ma sey pandemî, şewat, zelzele, laser usb. xeylê zehmetîyan ont.La hemverê nê zehmetîyan de serra 2021 hetê xizmetan de zaf weş şî” vat.

Karalogluyî qalîkerdişê xo wina domna :“Ma serra 2021 de her hetê bajar de xebatan viraşt. Semedê safîkerdişê probleme binawanî ra bigîrê hetanî kanalizasyon û şebekeyan xeylê xizmetanê girîng virazîya. “

Karalogluyî vîr vîst ke semedê safîkerdişê problemê çopan û pawitişê xozayî zî projeyê EKAYî ameya viraştiş û semedê bajarvanîyeko hîna raşt, agêrayişê bajarvanî dîya destpêkerdiş.

Karalogluyî îzeh kerd ke merkeze bajarî ra bigîrê hetanî dewanê bêjayî xeylê rayîr virazîyayo.Karalogluyî aşkera kerd ke semedê wayîrvejîyayişê tarîxê ma zî sûran de xebata restorasyonî dîyabi dest pêkerdiş û xebatan bê mabên dewom keno.

Karalogluyî da zanayene ke semedê ke cayanê zergûnînan zêde bikerê sey Baxçeyê Şarî, daristanan  xeylê xebatan virazîyayo.

Karalogluyî vîr vîst ke semedê ciwanan zî xeylê xebatan virazîya ina çarçiwa de Akademî Lîseyan,Banê Zanayîşîyan xeylê cayanê perwerdeyîye ciwanan virazîyayo.