Îtfayekaranê mintiqa Dîyarbekir de gêrayî

Şirikîya Şaredarîya Bajarê Girdî ya Dîyarbekirî û Yêwîya Şaredarîyan ya Mintiqa Başûrê Rojhelatî perwerdeyê binge ya îtfaîya yê dema diyîn virazîya.Perwerdeyon ra dima semedê îtafîyekaran gêyrayîşêk ame serrastkerdiş.

Şaredarîya Bajarê Girdî ya Dîyarbekirî semedo ke îtfaîyekaranê ke seba perwerdeyon ameyî bajarê cayanê tarîxî û turîstîkî bivînê çalakîyêk serrast kerd. 21 îtfaîyekarî tewrê çalaki bîyî û îtafîyekaran qezaya Gêlî de cayanê tarîxî di gêrayî.

Rayberanê ke Serekîya Dayîreyê Karanê Kultur û Sosyalî ser o xebate kenî, derheqê cayanê kulturî de agahî dayê îtfaîyekaran.

Amîrê Perwerdeyê Îtfaîya Veysel Murat Tapanî ba zanayene ke  perwerdeyî de derheqê zanayîşê vêşayîş û şewatî de cayê hedîseyî de tehlukeyî, cayê şewatî de organîzasyon, zanayîşê malzemeyî, madeyê tehlukeyinî, cigêrayîş û xelisnayîş, qezayanê trafîkî rê mudaxele, binê xirbeyan de cigêrayîş û xelisnayîş, talîmatnameyê îtfaîya, laserî rê mudaxale û şewatanê elektîrîkî rê mudaxale ser o agahî dîyayo beşdaran. Badê semedo ke îtfaîyekaran bajarê ma bişinasnê  ma înan rê gêyrayîşêk serrast kerd.”

Tapanî û beşdaran da zanayene ke perwerdeyan semedê înan zaf feydeyin ê.