Print this page

Semedê xêzkerdişê binawanî ya Dîyarbekirî 16 proje virazîya

Midurîya Pêroyî yê Awe û Îdareyê KanaLîzasyonî ya Şaredarîya Bajarê Girdî ya Dîyarbekirî semedê xêzkerdişê binawanî ya Dîyarbekirî serra 2021 de 16 proje qedînay.

Midurê Pêroyî ya DÎSKÎ Fırat Tutşı  xebatanê serra 2022 rojnamegeran reyde pare kerd.

Kombîyayiş otelêk de virazîya û Tıtşı aşkera kerd ke Dîskî 17 qeza de pê 1.271 personel û 293 wesayîtî xizmetê hemwelatîyan de yo.

“DÎSKÎ seba sibarojê Dîyarbekirî xebetîyeno”

Tutşı vîr vîst ke semedê awa şimitişî û xebitnayişî borîyan ameyê ravistiş û Dîskî semedo ke sermayegozarîyê  tesîsê awguznayîşê  ,depo û awbendan raşt bivirazê, xebetîyeno.

“Ma awe ke çimeyan ra gênê Tesîsê Awguznayîşê Gendawe ra derbas kenî û bade hemwelatê ma 24 saet awa biqalîteyin gênê. Awe semedê cuya ma, heywanan û nebatan çîyêko lazim o.La Dîskî teyna semedê ewro nêy seba sibarojê Dîyarbekirî zî xebetîyenî.

“Ma wazeme îdarekarîyê awe raşt bivirazê”

Tutşı da zanayene ke semedê îdarekarîyê awe ya hîna raşt pê projeye SCADA yena hedefkerdiş ke vere qeçax û îsrefî bêra girewtiş.

Tutşı bade wina vat: “Dewletê ma zî semedo ke Dîyarbekir de çimeyê awe bipawe xebatanê xo domneno. Awbenda Silîva û 7 awbende bînan dîyarîye bajarê ma keno.Çimeyê Dîskî û bajarê ma çimeyê hempar yê 1 mîlyon û 800 hemwelatê ma yî.”

Aboneyê ma hemparê ma yî

Tutşı îzeh kerd ke îdarekarîyê awe berpirsîyarîyê ma yê hempar ê. Tutşî qalîkerdişê xo wina domna: “Dîskî pê sermayegozarîyê 550 mîlyon lîrayin hetêk ra projeyanê newe keno faaliyet geto bîn ra zî sibaroje bajarê xo gêno binê garantî.Ez ewilî destegê ey ver Munır Karalogluyî bade heme kedweran rê spas kena.”

Tutşî qalîkerdişê xo ra dima ewilî derheqê projeyanê ke serra 2021 de virazîya ser o qalî kerd.

“Serra 2021 de 16 proje qedîya “

Tutşî qalîkerdişê xo de îzeh kerd ke xebatanê sondaj û terfîye ra bigîrê hetanî şebekeye kanalizasyon û şilîye cîya-cîya 16 projeyê girîng virazîyayo.

Tutşı da zanayene ke her hetê bajarê de semedo ke verê şuxulnayîşê qeçax bêra girewtiş xebatan virazîyeno û serra 2021 de humarê aboneyan  pê 36 hezar û 470 aboneyê neweyî vejîya 445 hezar û 511 aboneyî. Tutşı kîfş kerd ke hetanî ke keye û kargehê bê amno nêmanê xeabtaNê înan dewom bikero.

“13 projeyê ma zî merheleyê viraştişî de yê”

Tutşı aşkera kerd ke pêroyî yê bajarî de hem bi destegê teberi hem zî bi çimeyê Dîskî 13 proje merheleyê viraştişî de yê.

“Dîyarbekir de hetanî 50 serrî problemê awe safî bena”

Tutşı mijdane daye ke emser Projeyê Awe Eşte ya Bismilî serra 2023 de zî projeyanê Merheleyê 2ine ya Xetê Îsale ya Çemê Dîcle û Îstasyonê Pompayî  bêra temomkerdiş.