Pîran de Akademî Lîse abî

Şaredarîya Bajarê Girdî ya Dîyarbekirî qezaya Pîranî de semedo ke wa ciwanî hadreyê unîversîte bibê û motûvasyon û keyfe înan kêmî nêbo Akademî Lîse akerd.

Serekîya Dayîreyê Xizmetanê Ciwan û Sporî ya Şaredarîya Girdî semedo ke ciwananê Pîranij cayêko Hîna rehet de hadreyê îmtîhanê unîversîteyî bibê dest pê xebatan kerd.

Akademî Lîseyon ra gedeyî ke şinê lîse yan zî mezûn eşkenê îstîfade bikerî.Ciwanî tîya de perwerdekaranê pîspor reyde îmtîhanê TYT û AYTyî rê hadre benî.

Şaredarîya Girdî do semedê averşîyayişê qabîlîyetê gedeyon Akademî Lîseyan de kişta dersanê binge aktîvîteyê sosyal û kulturî zî yena serrastkerdiş.

Wendekara Akademî Lîsıe Gulıstan Tunaye aşkera kerd ke a dewe de ciwîyena aye ra cayêko munasîb çinbî ke bixebita. Tunaye bade wina vat : “Ez wazena biba mamostaya dibistane aye ra hewte de 5 rojî yena tîya de xebetîyena. Mamostayî ma hem dersan de ma rê hetkarî kenî hem zî ma dersxaneyê komputure ra bigîrê hetanî kitabxaneyî ma xeylê îmkanan ra îstîfade kenî.Kişta dersan de aktîvîteyanê cîya-cîyayan zî virazîyena.”

Wendekar Asya Gul Atalaye zî win va : “Verê cû dersan de binge mi çinbî aye ra dersanê mi zî xirab bî la ez biserûber ameya tîya û ez aver şîya . Raştîye zî tîya de her çi seba mi vurîya.

Dicle Ulaşe zî kîfş kerd ke tîya de eşkena biserûber bixebita.

Wendekar Helin Kılıçogluye zî aşkera kerd ke tîya de dersan zaf weş vîyareno û “Ez tîya de lebateyê însanan vînena û ez ke wazena hîna zaf bixebita. Tîya de mamostayî ma dersanê ke ma mekteb de nêvînenê, mojnenê. Ma tîya de seba ke ma biserûber bixebite îmkananê ma estê aye ra ma xizmetanê Şaredarîya Girdî ver hem walîyê ma rê hem zî şaredarî rê spas kenî.”