Print this page

Musabaqayê “Vateyê Marşê Fetihê Dîyarbekirî” virazîyeno

Bi wesîleya serrgera 1383ine ya Fetihê Dîyarbekirî bi di ziwanî (Tirkî-Kurmancî) musabaqayê “Vateyê Marşê Fetihê Dîyarbekirî” yena serrastkerdiş.

Şareadrîya Girdî semedê pîrozkerdişê serrgera Fetihê Dîyarbekirî dest pê hadreyîne aktîvîteyan kerd.

Serekê Dayîreyê Karanê Kultur û Sosyalî ya Şaredarîya Girdî Alı Çelık û Serekê Egıtım-Bır-Senî ya Şaxa Dîyarbekirî Ramazan Tekdemırî reyde derheqê musabaqayê “Vateyê Marşê Fetihê Dîyarbekirî” de  aşkerayî dayê çapemenî.Kombîyayiş Merkezê Kultur û Kongreyî ya Sezaî Karakoçî de virazîya.

Çelık aşkerayîye xo de da zanayene ke musabaqayê “Vateyê Marşê Fetihê Dîyarbekirî” bi şirikîya Şaredarîya girdi û Egıtım- Bır-Senî virazîyeno.

Çelıkî kîf kerd ke bajarê ma 33 medenîyetî rê wayîrî kerdo û mabênê nînan de medenîyeto en pîl medenîyetê îslamî yo.

Çelıkî vîr vîst ke Dîyarbekir serra 639 de hetê Artêşa Îslamî ameya fetîhkerdiş û ina fetih mijdanê fetihê Estanbol û Malazgîrtî yo.

Çelıkî vîr vîst ke par seba fetihê bajarî m abi rayberîyê Walî Munır Karaloglu û tayê sazgehan cîya-cîya aktîvîteyan ameybî tertîpkerdiş û bade wina vat: “Ma emser zî seba pîrozkerdişê Fetihê Dîyarbekirî hadreyîne xo kenî.Eke vateyê marşan biqedêyo ma do kuçeyan de hemwelatîyan reyde bi çoş marşê fetihe pêro pîya vajê.”

Seba muracat tarîxo peyên 20ê Nîsane yo

Serekê Egıtım-Bır-Senî ya Şaxa Dîyarbekirî Ramazan Tekdemırî zî kîfş kerd ke nê aktîvîteyan zanayîşê ma û zanayîşê komele teze keno û badê qalîkerdişê xo wina domna: “Heme sazgeh, wendekar û hemwelatê ma eşkenê muracat bikerê. Seba muracat tarîxo peyên 20ê Nîsane yo û 26ê Nîsane de zî vateyê ke bikewto derece bêra aşkerakerdiş.

Tekdemırî destegê ey ver Walî Munır Karalogluyî rê spas kerd.

Beşdaran ganî berhemê xo ya pawtê Şubeyê Humara 1ine ya Egıtım-Bır-Senı bikere yan zî bierşawe edresê  diyarbakirfetihmarsi@gmail.com