Hemwelatîyan endî eşkenê cayê goristanan bi rehetî bivînê

Şaredarîya Bajarê Girdî ya Dîyarebkirî semedo ke hemwelatîyan cayê goristanan hîna rehet bivînê caardîşêk viraşt.

Waştîşê hemwelatîyan ser o semedo ke keyeyanê merdeyan cayanê goristanan hîna rehet bivînê proje virazîya.

Serekîya Dayîreyê Karê Zanayîşî ya Şaredarî semedo ke hemwelatîyan hîna rehet cayê goristanan bivînê caardişê web û mobili viraşt.

45 hezar goristan girîya binê qeydî

Ekîbê pîspor Goristanê Yenıkoyî û Şehitlixî de fotrafê goristanê 45 hezar hemwelatîyan ancîya û peymitişê înan ra dima sîte virazîya.

Serekê Dayîreyê Karê Zanayişî ya Şaredarî Erkan Karakeçeyî da zanayene ke waştîşê hemwelatîyan ser o virazîyayo û bade wina vat: “Serra 2021 de hetê hemwelatîyan xeylê waştîş ame ma het ke hemwelatîyan nêeşkenê cayê goristanan yê keyeyanê xo bivînê aye ser o ma dest pê ina xebate kerd. Sîstemê zanayişê goristanan goreyê zanayişê sîstemê cografî xebetîyeno,ndezyaranê ma peymitişî xo viraşt û nê zanayîşan kirişt sisteme.”

Peymitişê hesas virazîya

Karakeçiyî vîr vîst ke hemwelatîyan endî eşkenê pê gps biresê goristanê keyeyanê xo. Karakeçiyî da zanayene ke ina xebat mintiqa ma de reya sifte yo ke virazîyayo.

Hemwelatîyan zî keyfweş î

Hemwelatîyan zî xebate şaredarî ver keyfweşîyê xo ard ziwanê xo ser û dîya zanayene ke endî goristanan de zehmetî nêancenî.

Caardişê Goristanan ya Şareadrî senî xebetîyeno ?

Hemwelatîyan eşkenê tablet û telefonî xo reyde Google Apple û Play Store ser o caardişê goristane bîyaro war.Hemwelatîyan nameyênane û peyname merdeyê xo binuse û bitikne eşkenê cayê goristanî ca de bivînê.

Hemwelatîyan eşkenê sîte de merdeyê xo rê Fatîha û Ayet-el Kursî bide wendiş.

Malperê webî: http://mezarlik.diyarbakir.bel.tr/

Malperê mobîlî : https://play.google.com/store/apps/details?id=tr.com.netix.mebisdiyarbakir  https://apps.apple.com/tr/app/dbb-mezarl%C4%B1k-bilgi-sistemi/id1609209900?l=tr